Mondoñedo, 03 de decembro de 2013- O Partido Popular de Mondoñedo agradece que a Xunta de Galicia concedese a Mondoñedo 4.846,65 euros para a contratación dunha persoa para a oficina de turismo durante os meses de xullo, agosto e setembro.
O Diario Oficial de Galicia dálle publicidade hoxe a esta axuda concedida pola Axencia de Turismo de Galicia que ía dirixida a reforzar a actividade turística durante os meses de verán (xullo, agosto e setembro) nos concellos declarados de interese turístico.
O Partido Popular de Mondoñedo reitera esta involucración da Xunta de Galicia coa dinamización dunha das principais actividades da localidade e que permite reforzar o municipio como destino e aproveitar o seu enorme potencial.
Do mesmo xeito, os populares contrapoñen o traballo promovido pola administración autonómica á xestión de Orlando González que non foi quen de contratar ao novo empregado ata setembro, cando a subvención ía destinada aos meses de xullo, agosto e setembro.
O turismo, unha das áreas potenciais do municipio
O turismo, segundo explican os populares, é unha das áreas potenciais do municipio, que dende a “administración local se debe potenciar”. Deste xeito, esta colaboración da Xunta permitiu dotar ao Concello do orzamento necesario para darlle cumprimento a unha moción aprobada por unanimidade e rexistrada polos populares na que se pedía o impulso da oficina de turismo, como unha das principais medidas para potenciar a actividade a nivel local.
Unha primeira xornada chea de risas, descubrimentos e moita calma da man de Rosa, e das súas acompañantes caninas Vilma e Tila. Todos os martes, de 12:00 a 13:00 h, haberá este espazo no que aprenderase a identificar, expresar e xestionar o que se sinte dentro do programa Enredando no verán. Está dirixido a nenos e nenas de 3 a 6 anos. Inscricións para o Taller de emocións na Casa da Cultura: casadacultura@concellodecervo.com, tel: 982 595 157.
O 112 Galicia recibiu o aviso ás 5:30 horas desta madrugada de martes. Cando sucedeu o accidente, a vítima estaba a traballar no servizo de recollida de lixo, na Rúa da Igrexa, en Ourol. Alí acudiu unha dotación de Urxencias Sanitarias de Galicia-061, quen deu a voz de alerta. Sen embargo, nada puido facerse por este traballador, do que avanzaban quedou inconsciente tras a caída do camión da recollida do lixo. Para apoiar as labores do equipo médico, desde o 112 Galicia, solicitouse a intervención dos axentes da Garda Civil e dos voluntarios de Protección Civil de Ourol.
O cambio de emprazamento débese á celebración do Mercado Renacentista.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
