Ribadeo, 8 de novembro de 2013. O vicepresidente da Deputación de Lugo, o nacionalista Antonio Veiga, visitou, esta tarde, xunto co alcalde de Ribadeo, o nacionalista Fernando Suárez, e a concelleira de Turismo, Ana Martínez, o Mercado de Nadal de Ribadeo, que hoxe inaugurou a súa 11ª edición, e que por segundo ano consecutivo está está situado nas rúas peonís do centro da vila: Reinante, Ramón González e Rodríguez Murias.
Un total de 32 artesáns de distintas especialidades coma o coiro, a xoiería, a olería, os tecidos, os produtos de alimentación, entre outras, danse cita desde hoxe, 3 de decembro, e ata o vindeiro domingo, día 8, nun dos principais eventos do calendario ribadense para este mes de Nadal. A actividade dos expositores complétase con obradoiros de xoirería, manualidades ou cestaría, mostras en vivo de tear e de olería, así como actividades para os máis pequenos e animación musical a cargo de grupos ribadenses como Amigos da Gaita ou Alesancia.
Durante a súa visita, Antonio Veiga incidiu “na importancia que ten adquirido este Mercado de Nadal de cara á dinamización económica da vila, non só pola promoción dos artesáns da zona, senón tamén porque serve de impulso ao comercio e á hostalería locais, incentivando as ventas e o consumo en datas previas ás festas do Nadal”.
Neste sentido, o vicepresidente da Deputación, convidou “a todas e todos os mariñáns e veciñas e veciños do occidente asturiano a visitar nestes sete días a undécima edición do Mercado de Nadal, unha iniciativa municipal moi atractiva de cara a fomentar a desestacionalización do turismo”.
Pola súa banda, Fernando Suárez sinalou que “xa van once anos desta iniciativa municipal que conta co apoio económico importante da Deputación de Lugo e que nos permite fixar a Ribadeo no mapa dos eventos e das actividades indispensables e insubstituíbles”.
Unha primeira xornada chea de risas, descubrimentos e moita calma da man de Rosa, e das súas acompañantes caninas Vilma e Tila. Todos os martes, de 12:00 a 13:00 h, haberá este espazo no que aprenderase a identificar, expresar e xestionar o que se sinte dentro do programa Enredando no verán. Está dirixido a nenos e nenas de 3 a 6 anos. Inscricións para o Taller de emocións na Casa da Cultura: casadacultura@concellodecervo.com, tel: 982 595 157.
O 112 Galicia recibiu o aviso ás 5:30 horas desta madrugada de martes. Cando sucedeu o accidente, a vítima estaba a traballar no servizo de recollida de lixo, na Rúa da Igrexa, en Ourol. Alí acudiu unha dotación de Urxencias Sanitarias de Galicia-061, quen deu a voz de alerta. Sen embargo, nada puido facerse por este traballador, do que avanzaban quedou inconsciente tras a caída do camión da recollida do lixo. Para apoiar as labores do equipo médico, desde o 112 Galicia, solicitouse a intervención dos axentes da Garda Civil e dos voluntarios de Protección Civil de Ourol.
O cambio de emprazamento débese á celebración do Mercado Renacentista.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
