A Asociación cultural A Pomba do Arco continúa a organizar o seu proxecto Descubre Galiza ca charla que se vai impartir este venres día 17 no CENIMA de Foz ás 20.30 horas.
Na citada charla o profesor Marcos Loureiro vai falar da Alta Idade Media Galega, do mundo dos Suevos e da formación do Reino de Galiza. Os datos que vai aportar o citado profesor serán necesarios para entender a excursión do día 19 na que a Pomba do Arco vai levar a tódalas persoas anotadas a un paseo pola Alta Idade Media Mariñán.
Comezará este en San Martiño de Mondoñedo enclave vinculado ca presenza Sueva en Galiza pois no parroquial suevo (569) xa sei fai referencia ao mosteiro Máximo, que tódolos os investigadores sitúan en San Martiño. Tamén está vinculado este lugar ca formación e ca educación dunha das figuras claves da cultura galega do século X, con San Rosendo, bispo que foi da Sé de San Martiño entre os anos 925 e 942, persoeiro ao que se atribúe a edificación da catedral anterior á que hoxe podemos contemplar. Esta última é obra do bispo San Gonzalo, (Gonzalo Froilaz, 1070-1110) e do seu sucesor Nuno Afonso.
A viaxe continúa cara a vila dunha das outras figuras claves do século X, o conde Osorio Gutiérrez, máis coñecido como O Conde Santo. En Lourenzá visitaremos a igrexa, exemplo característico da arte barroca mariñán así como o seu museo sacro.
En Mondoñedo visitaremos a casa na que naceu, os lugares que tanto quería, así como a tumba do que se chamou o médico dos pobres, de Leiras Pulpeiro. Falarásenos da obra deste poeta civil, ateo e republicano que vivía na cidade máis católica e conservadora da Mariña.
Todos aqueles que queiran participar nesta excursión que chamen o antes posible ao 606630113 para anotarse. O prezo da excursión son 20 € nos que se inclúe a viaxe no autobús, que sairá da praza do Concello de Foz o domingo ás 11.00, as entradas aos citados museos e a comida que terá lugar no restaurante mindoniense O Valeco.
A Pomba do Arco quere que pasedes un domingo de maneira diferente, disfrutando da arte, aprendendo un pouco da nosa historia e da nosa cultura.
A libraría Bahía acolle este xoves, 5 de xuño ás 20:30h, a presentación de dous libros: 'O villa de Pitanxo' de José Manuel Solla Santos, unha homenaxe aos mariñeiros que faenan nas augas de Terranova e un berro por aclarar a verdade dese terrible naufraxio. E por outra banda, 'A maxia da terra' de Isabel Peleteiro Vazquez, unha ollada ás mulleres que saíron cara América, unha revisión en feminino da emigración de ultramar. Estarán presentes a autora e o autor dos libros.
O programa dará comezo o 1 de xullo e ramatará o 29 de agosto en horario de 10:00 a 14:00 h. Levarase a cabo a través dun proxecto de voluntariado xuvenil, que nesta edición conta con cinco persoas voluntarias do Concello.
Sami Ashour, natural da localidade de Khan Younis, no sur da Faixa de Gaza, onde reside a maioría da súa familia, é o presidente da Asociación galaico-árabe Jenin, que agrupa a comunidade palestina residente na Galiza. A palestra Sami Ashour pretende achegar un testemuño de primeira man sobre o xenocidio israelí en Gaza e ofrecer unha análise sobre as condicións de vida poboación gazatí.
Foi o pasado venres, 30 de maio, na Finca San Antonio coa presenza de Agustín (porteiro do Madrid nos anos 80) en representación do club branco. Tamén estiveron presentes as Peñas de Viveiro, Xove e Ribadeo. Non acudiu, como estaba previsto, Tomás Roncero por problemas de saúde. No acto xuntáronse unhas 90 persoas.
O mandatario provincial trasladou persoalmente, en nome da institución provincial, as súas máis sentidas condolencias, así como o seu desexo dunha pronta recuperación para as persoas feridas. A continuación Tomé Roca asistiu á misa na igrexa parroquial e, posteriormente, participou na tradicional procesión ata o altar instalado na Nave de Redes do Porto. O percorrido realizouse sobre a alfombra floral elaborada polos veciños e veciñas da localidade, que este ano rende homenaxe á gastronomía e á figura do artista Xosé Vizoso.
Ocorreu na rúa de Viladaide Praia Altar. O 112 Galicia tivo constancia do accidente a través do persoal de Urxencias Sanitarias de Galicia-061, pouco antes das 13 horas: dous vehículos acababan de colidir e unha persoa permanecía no interior dun eles, incapaz de abrir a porta. Os Bombeiros de Barreiros tiveron que empregar o seu material de excarceración para extraer á persoa en condicións de seguridade. No operativo participou tamén a Garda Civil de Tráfico.
A alcaldesa, Dolores García Caramés, foi testemuña do fantástico traballo do alumnado que se afana en elaborar fermosas manualidades con moita dedicación e ilusión. Un espazo de creatividade e convivencia na Casa do Mar grazas á colaboración tamén de Adaoemam A Mariña
