O Viveiro desprazábase a Lugo corto de efectivos para enfrentarse a un dos equipos punteiros da categoría que acudía ao encontro co seu plantel ao completo.
O resultado (Adarve 7 – Viveiro FSF 2) é un tanto abultado para os méritos das viveirenses que na primeira metade souberon controlar o xogo combinativo das locais, que apenas se achegaban á portería defendida por Diandra; pero que souberon aproveitar una par de erros puntuais para adiantarse no marcador por 2-0.
Con este resultado parecía que se ía chegar ao tempo de lecer, pero nunha desgraciada xogada, a falla de 25 segundos para o remate da primeira metade, cando o Viveiro dispuña dun saque de esquina para intentar recortar distancias, este converteurse nunha contra que permitía ao conxunto local anotar o 3-0 sobre a bocina. Este gol deixou moi tocadas ás xogadoras do Viveiro, que se retiraron aos vestiarios coa sensación de non merecer o que o marcador reflexaba.
O inicio da segunda metade foi desastroso para o Viveiro FSF, xa que as xogadoras viveirenses aínda non se recuperan do mazazo do gol do final da primeira metade e en apenas sete minutos encaixou catro novos tantos que facían temer unha auténtica goleada.
Sen embargo as viveirenses volvéronse a meter no partido e conseguiron anotar dous tantos e incluso mereceron anotar algún máis.
Destaca o debut no primeiro equipo da porteira en idade infantil Nerea Abad que xogou gran parte da segunda metade demostrando as súas condicións, xa que logrou deixar a portería a cero nos minutos que disputou.
A semana que vén o Viveiro FSF desprázase ata Castro de Rei, co obxetivo de voltar a senda dos triunfos, diante dun dos equipos da zona baixa da clasificación.
Ficha técnica
Adarve: Sandra, Covi (1), Esther, Judit (2) e Helena (1). Tamén xogaron Mariña (3), Paula, María e Andrea.
Viveiro.: Diandra, Nerea, Xiana, Andrea (1) e María. Tamén xogaron.: Raquel, Marta (1) e Nerea Abad.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
