Este mércores entregáronse na cafetería Happy Day, de Foz, os premios do Campañazo do pasado venres, 17 de xaneiro. A gañadora do bingo foi María Subeira Toribio, que obtivo 300 euros en vales de compra para gastar no comercio focense ao longo das vindeiras semanas. María fíxose co cartón co que participou no Campañazo en Viajes Rodríguez e seguiu o sorteo na cafetería Happy Day. Tamén recibiron o seu premio, de 50 euros en vales de compra, o resto dos cartóns premiados. Mañá, venres, a partires das once da noite ACIA Foz porá en xogo outros 600 euros no seu tradicional Campañazo de xaneiro.
Este xoves recibíuse unha comunicación da Casa Real, felicitando pola consecución da Copa da Raíña 2025.
'50 anos de cultura - 50 anos de historia' pode verse nas Escolas Vellas de Cervo.
Unha cita á que a institución provincial achega 10.000€ para a súa organización e que reuniu a centos de persoas na Praza do Concello trabadense para degustar este prato típico do municipio. Carlos López destacou a colaboración da institución provincial a esta “cita senlleira, que pon en valor unha cultura gastronómica capaz de atraer visitantes ao noso territorio”. Destacou o traballo que fai o Concello mariñán por enxalzar este produto, tamén chamado faragullos que se elabora con touciño, ovos, leite, fariña e auga.
O delegado territorial da Xunta en Lugo, Javier Arias felicitou o pasado sábado, 3 de maio, a Reyco polos seus 30 anos de traxectoria no sector do transporte por estrada. Un exemplo de empresa lucense que medra con rigor, compromiso e aposta pola calidade "Desde a Xunta de Galicia seguimos apoiando ao sector con medidas para modernizar frotas, dixitalizar procesos e mellorar a formación dos profesionais". "O transporte é clave para o futuro económico de Galicia e empresas coma esta son parte dese avance", apuntou.
