Lugo, 10 de xaneiro de 2013.- A voceira do Grupo Provincial do Partido Popular na Deputación de Lugo, Elena Candia, anunciou este venres en rolda de prensa, a intención da formación política á que pertence de impugnar xudicialmente as bases do Plan de emprego provincial deseñado por Besteiro, e insistiu na necesidade de que esta programa poida facerse extensible ao conxunto dos concellos da provincia.
Os populares adoptan esta decisión “por coherencia” coas denuncias efectuadas ata o de agora e coa intención de “facerse eco do malestar de moitos alcaldes e cidadáns lucenses” co deseño dunhas bases “excluíntes e discriminatorias” que, entre outros, pechan as portas para participar no proceso selectivo do Plan a nove de cada dez desempregados lucenses.
“Ata o momento estivemos á espera dunha rectificación por parte de Besteiro. Pero non quixo escoitar, nin aos concellos, nun pronunciamento histórico e maioritario sen precedentes na provincia, nin aos lucenses, que se manifestaban na defensa dos seus dereitos. É o bipartito quen coa súa terquedade e insensibilidade quen nos obriga a presentar este recurso” dixo Candia.
OS ONCE CONCELLOS BENEFICIARIOS E MOITOS MÁIS
A portavoz popular na Deputación de Lugo quixo deixar claro que eles non están en contra de que os once concellos que, aplicados os criterios establecidos nas actuais bases, puideron acceder ao Plan de emprego sigan beneficiándose do mesmo, ao contrario, o que reclamamos é que este Plan de emprego –financiado con cartos públicos- se amplíe á totalidade dos concellos da provincia.
“Queremos que Besteiro non poña obstáculos e garanta a igualdade de oportunidades no acceso a este Plan de emprego” –dixo Candia—“Pedimos que a Deputación permita participar na selección deste programa de contratacións a todos os parados da provincia e aos 67 concellos. Isto é que se manteñan os que xa están, pero tamén que seinclúan todos os que no están”
De feito Elena Candia, sinalou que como mostra de boa vontade e para que non saian prexudicados os once concellos que na actualidade poden acollerse ao Plan de emprego da Deputación, o Grupo Popular non solicitará a suspensión da execución das actuais bases, polo que continuará adiante o Plan, aínda que si someterá o seu contido ao escrutinio xudicial.
VICIOS DE ILEGALIDADE
O Grupo Popular na Deputación de Lugo aprecia –tras un estudo xurídico das bases- que os requisitos deseñados por PSOE e BNG acumulan importantes vicios de legalidade que xustifican a impugnación das mesmas.
Así por exemplo a portavoz popular explicou que a Deputación de Lugo vulnera o principio de igualdade, “en tanto se dispensa un trato desigual entre concellos non xustificado razonablemente”, vulnera tamén o principio de razonabilidade, dada a falta de correspondencia entre os requisitos e criterios impostos nas bases e o fin perseguido. E incluso se aprecia desviación de poder “en tanto a razón desta vulneración é a de favorecer a determinados concellos identificados pola súa cor política”.
PROPOSTA DE RECTIFICACIÓN
Os populares van aínda máis lonxe e adiantan, con carácter construtivo, algunhas ideas para modificar as bases actuais evitando calquera tipo de discriminación ou atropelo. Neste senso apuntan á un aumento dos fondos públicos destinados para dar soporte económico a este programa e facelo extensible ao conxunto da provincia, así como unha redución da duración dos contratos, que permitiría multiplicar o número de beneficiarios do mesmo.
MÁIS ORZAMENTO APROVEITANDO O NON EXECUTADO
En relación co primeiro dos puntos Elena Candia lembrou que, segundo rezan os informes oficiais do Servizo de Intervención, a Deputación de Lugo non ten executado na súa totalidade –como xa denunciaron en repetidas ocasións- as partidas orzamentarias destinadas a fomento do emprego. En concreto habería máis de catro millóns de euros que Besteiro non gastou, pese a ter respaldo orzamentario para facelo e que agora poderían destinarse a dar soporte económico ao novo Plan de emprego máis amplo e ambicioso, similar aos que se executan no resto das Deputacións galegas.
Por outra banda, se en vez de 15 meses de contratación, este programa se reduce, permitirá acoller a moitos beneficiarios “na confianza de que, tal e como indican as principais variables macroeconómicas a situación empece a recuperarse e, polo tanto, antes deses quince meses poidamos ver unha mellora no ámbito laboral e en materia de emprego”
DISCRIMINACIÓN INXUSTA AOS DESMPREGADOS
Os populares lamentan que Besteiro continúe dando soporte a un plan que da as costas á maioría dos concellos e veciños da provincia e esperan que a impugnación xudicial, sirva para devolver o sentido común a un Plan de emprego que, no seu actual deseño, supón unha discriminación inxusta para moitos lucenses que se atopan, por desgraza, en situación de desemprego.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
