Os produtores e artesáns participantes no II Mercado de Nadal Merca o teu que acolleu a Praza de San Marcos entre os días 20 de decembro e 5 de xaneiro, facturaron 25.000 euros. A iniciativa da Deputación impulsa ás Pemes e autónomos da provincia que, coa celebración deste mercado, acadan uns ingresos e dan a coñecer o seu traballo, sendo a súa participación completamente gratuíta.
A Deputada de Deseño e Artesanía, Regina Polín, clausurou o mercado que o organismo provincial puxo en marcha para poñer en valor a calidade dos produtos agroalimentarios e a artesanía de Lugo. Regina Polín destacou que a cita contribúe a aumentar as vendas destes pequenos empresarios e autónomos, aproveitando o tirón do Nadal e as numerosas actividades que se organizaron para o público durante os días de mercado. Celebráronse obradoiros de cociña e e de novas tecnoloxías para cativos, charlas sobre postres típicos de Nadal e espectáculos e contacontos musicais. Ademais, o mercado contou con instalacións para a diversión infantil como inchables e outros.
O mercado pechouse co sorteo dunha cesta de produtos autóctonos entre as persoas que mercaron algún produto ó longo destes días e a entrega dunha tablet á mellor foto do mercado colgada en Facebook e escollida polos seus seguidores. Fernanda Somoza foi a gañadora da tablet sorteada entre as cinco fotografías máis votadas.
Ó igual que o ano pasado, foi recoñecido o esforzo dos produtores e artesáns que contribuíron á boa imaxe do mercado. Nesta edición, a caseta de artesanía en coiro Tres Caracoles recibiu o premio de 100 euros e un bolígrafo electrónico á mellor decoración.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
