Ribadeo, 17 de xaneiro de 2014. O equipo de goberno crea unha ordenanza para regular as prestacións económicas destinadas a familias de Ribadeo en situación de emerxencia ou urxente necesidade e outra ordenanza para facilitar o acceso de nenos e nenas de familias en situacións económicas desfavorables ás actividades dirixidas a menores que organice o Concello. Estes asuntos analizaranse na comisión informativa que se celebrará o vindeiro luns, 20 de xaneiro, segundo daba a coñecer este venres o alcalde, Fernando Suárez.
O rexedor sinalou que “os asuntos que irán á vindeira comisión informativa, previa ao pleno, son todos de carácter social. Pretendemos regular as prestacións económicas para familias de Ribadeo en situación de emerxencia ou de urxente necesidade. Serán achegas, como o viñan sendo ata o de agora, pero reguladas. Terán carácter de subvención directa e non poden ser periódicas”. E poñía coma exemplo quen as poderá recibir: “a alguén que o estea a pasar mal nun momento determinado desde o Concello poderáselle axudar coas necesidades básicas como poden ser os alimentos, o vestido, as menciñas, gastos de desprazamento a centros sanitarios, gastos de vivenda habitual coma o aluguer, pero sempre con carácter puntual non de xeito sistemático e periódico. Serán axudas para saír dun bache e sempre que os informes técnicos dos servizos socias digan que cumpren os criterios esixidos”.
A outra ordenanza que crea o equipo de goberno pretende formentar a igualdade, segundo Fernando Suárez: “tamén, e penso que somos pioneiros na comarca e dos poucos de Galicia, imos crear unha nova ordenanza que regule algo excepcional e relativo aos menores. Non queremos que ningún neno e ningunha nena que viva en Ribadeo, que porque os seus pais non dispoñan de recursos que lles permitan costear aquelas cousas que organizamos desde o Concello como escolas deportivas, a Escola de Música, os campamentos urbanos, todas aquelas cuestións de índole social, cultural ou deportivo, non queremos que deixen de asistir porque non teñan recursos os seus pais”.
O alcalde subliñou que “queremos que en Ribadeo todos os nenos e todas as nenas sexan iguais e que coa igualdade veña tamén a xustiza, e é para o que nós entendemos que deben estar as administracións públicas, que é para intentar redistribuír a riqueza e que haxa igualdade e xustiza. Si perdemos a igualdade non haberá xustiza e desde o Concello é o que queremos facer para os veciños e veciñas de Ribadeo”.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
