A Deputación de Lugo conseguiu reducir nos dous últimos anos nun 37% os custes de telefonía, tanto móbil como fixa, o que se traduciu nun aforro total de 129.290 euros no capítulo de gastos correntes neste tempo. A rebaixa na factura, rexistrada entre decembro de 2011 e decembro de 2013, foi dun 39,5% na telefonía fixa e dun 34,2% na móbil. Isto permitiu un aforro anual de 109.121 euros no primeiro caso e de 20.167 no segundo, o que supón, pois, unha redución total no gasto de 129.290 euros ó ano.
Este aforro foi posible grazas á aprobación dun novo contrato de telefonía no ano 2012, posto en marcha tras someter a un exhaustivo estudo, realizado mediante mecanismos informáticos, aspectos como os rexistros de chamadas de todos e cada un dos departamentos provinciais, ou o tipo de servizo que dá cada un deles. Isto permitiu determinar, entre outros aspectos, cales eran as franxas horarias máis adaptadas ó horario laboral dos traballadores, posto que, a modo de exemplo, non son as mesmas nas oficinas que prestan servizos de atención ó público que as que levan a cabo os capataces do Servizo de Vías e Obras ou outros empregados provinciais con disponibilidade horaria. Este novo contrato de telefonía, adaptado ás necesidades de cada departamento provincial, deu como resultado a redución das liñas de telefonía móbil a 78 ou o establecemento nestas de cotas de consumo de 25 a 50 euros. Finalmente, estandarizáronse as tarifas de datos de todos os dispositivos móbiles e restrinxíronse as chamadas saíntes, como as de servizos de custe ou as internacionais.
Un paso máis nesta racionalización deuse o pasado ano, cando en todas as dependencias provinciais se implantou un servizo de telefonía chamado de Voz sobre IP, que permite as comunicacións telefónicas a través da rede contribuíndo a aumentar o aforro neste concepto, xa que dende a súa posta en marcha, as chamadas internas, tanto a teléfonos fixos como a móbiles corporativos, son totalmente gratuítas e permite unha significativas redución dos custes nos resto de tarifas. Todas estas medidas foron implantadas na Deputación con fondos europeos do Innova-TE.
Racionalización do gasto
Esta é algunha das medidas adoptadas na Deputación que permitiron que os gastos correntes se reduciran en 1,7 millóns de euros só nos dous últimos anos. Entre estas destaca, por exemplo, a contención nos gastos de material de oficina nos que se acadou un aforro de 1,1 millóns de euros grazas a novas fórmulas de contratación e á implantación das novas tecnoloxías. Entre estas fórmulas destaca a implantación da administración electrónica na Deputación, que conlevou a dixitalización de todos os arquivos e que reduciu os custes de adquisición de papel en 435.000 euros ó ano; o contrato de aluguer de equipos multifunción, como fotocopiadoras e impresoras, ou a substitución do papel timbrado, que antes se encargaba a unha empresa, por plantillas informáticas.
Outra iniciativa de racionalización dos gastos correntes foi a reforma do contrato do subministro eléctrico nas dependencias provinciais, que deu como resultado un aforro de 135.000 euros na factura da luz. A Axencia Lucense da Enerxía realizou previamente un análise individualizado das dependencias provinciais, co fin de detectar posibles problemas de eficiencia e utilizar de forma más axeitada os recursos dispoñibles. Estas auditorías son as que se están a realizar nos Concellos adheridos ó Club dos Renovables, e que xa permitiron un aforro acumulado de 265.000 euros nos 26 Concellos nos que se implantou este Plan Enerxético provincial.
COMPARATIVA GASTOS TELEFONÍA 2012-2013
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
