Santiago, 25 de febreiro de 2014.- O deputado do Grupo Popular e secretario da Mesa do Parlamento de Galicia, Jose Manuel Balseiro sinalou que “non lle sorprende porque non é a primeira vez” que desde o PSOE de Cervo “consideran acertada e aplauden” as iniciativas que el presenta no Parlamento de Galicia, “aínda que resulte impropio tendo en conta que son a oposición pero que, sobre todo, contrasta coa inactividade dos socialistas na Cámara galega, onde realizan pouco traballo sobre asuntos de interese para a nosa comarca ou concello”.
O parlamentario cre que “non deben falarse, nin ter moito contacto” os socialistas de Cervo cos seu Grupo Parlamentario porque mentres na prensa din estar moi preocupados pola situación da mina de caolín de San Román, na Cámara galega non foron capaces nin de presentar unha iniciativa, ou unha pregunta sobre este tema.”Vamos que o seu interese pola situación da mina é un simple paripé que fan ante a prensa, e aí queda todo”.
Pola contra desde o Partido Popular e, moi en particular, na súa condición de deputado autonómico, Balseiro comprométese a facer un seguimento da situación, solicitar que compareza o director xeral para dar conta das preguntas formuladas, e para explicar as xestións que se están desenvolvendo en relación con esta mina.
COMUNIDADE DE MONTES
Por outra banda Jose Manuel Balseiro agradeceu “moi especialmente” o interese e a dispoñibilidade da comunidade de Montes de San Román e ratificou o seu compromiso para formular as iniciativas que entenda poidan ser de interese para o seu concello ou para o conxunto da Mariña, “porque esa é a nosa obriga e o noso compromiso”.
“Pola contra que o PSOE siga no seu limbo. Dicindo unha cousa na prensa e facendo –o mellor dito non facendo nada- no Parlamento. Non son un partido de fiar”, rematou indicando o deputado popular.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
