LUGO, 17 DE FEBREIRO.- O Partido Socialista, logo das declaracións do secretario xeral do PP de Lugo -José Manuel Balseiro-, nas que califica de “oportunista” a reclamación realizada pola Vicepresidenta Segunda da Deputación e voceira do PSOE no Concello de Cervo –Lara Méndez- esta fin de semana na Mariña, subliña que “unha vez máis, o Sr. Balseiro e o Partido Popular quedan en evidencia, pois para eles o importante é criticar ás administracións que realmente están cos problemas da xente. Que máis dá que moitos mariñanos quedasen sen luz, que máis dá que gran parte dos destrozos estén precisamente en zonas públicas…. Para o PP isto é o de menos, o que realmente lle preocupa é que, novamente, a Deputación de Lugo, sen ter competencias, lle marca a axenda política á Xunta de Galicia. Isto é o que realmente lle molesta ó secretario xeral do PP”, afirman.
Fala de protagonismo e a Xunta “segue agochada”
Neste senso, os socialistas da provincia sinalan que “sabemos que ninguén é responsable da meteoroloxía, pero si de aplicar medidas que compensen as consecuencias. A Mariña foi unha das zonas máis devastadas, polo que ben merece un trato específico”. Por este motivo, denuncian que Balseiro fale de protagonismo, sobre todo, “se temos en conta a celeridade coa que o Presidente da Xunta visitou o santuario de Muxía, onde dixo que este se ía arranxar si ou si, e custase o que custase”.
“Lara Méndez é unha das representantes da comarca na Deputación. O seu deber e a súa obriga é velar polos intereses dos seus veciños, nin máis nin menos, non como a Xunta de Galicia que continúa agochada. Visitou algún cargo do Goberno galego a Mariña?. Onde estivo o Presidente Feijóo? Isto é o que ten que aclarar o Sr. Balseiro, xa que, a día de hoxe, o seu Partido non foi capaz de buscar unha solución ós cuantiosos danos producidos”, conclúen.
Continuidade ás demandas dos socialistas
O encontro da Vicepresidenta Segunda do organismo provincial non foi un feito alleo, senón que dá continuidade ás demandas realizadas polos socialistas nas últimas semanas. Foi este Partido o que alertou das graves consecuencias dos fortes temporais que azoutaron, principalmente, á Mariña luguesa, no Parlamento de Galicia e incluso no Senado, solicitando ós Executivos estatal e autonómico que activasen os protocolos necesarios para facer fronte a esta situación. Por tanto, o PSOE considera necesario que os Gobernos do PP dén explicacións e concreten as actuacións que teñen pensado levar a cabo para paliar os desperfectos ocasionados.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Este ano, como novidade, as crianzas participantes neste programa están a desfrutar de sesións de inglés dunha forma lúdica, dinámica e divertida, grazas á colaboración da English School de San Cibrao. A través de xogos, cancións, actividades participativas e moita creatividade, os nenos e nenas reforzan a aprendizaxe do inglés nun ambiente distendido, fomentando a comunicación, a curiosidade e a confianza para expresarse noutra lingua.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
