A Mariña, 4 de xaneiro de 2014. Os datos publicados hoxe pola Consellaría de Traballo volven dar datos desoladores para a comarca mariñá con cifras porcentuais que superan tanto a media galega como a da provincia, no cómputo anual aínda habendo unha leve baixada en relación a xaneiro de 2013, segue sendo moi inferior á baixada no conxunto da comunidade e na provincia. A fronte nacionalista insiste en demandar políticas activas de emprego na comarca e planos de acompañamento social para as persoas en situación de desemprego.
O BNG da Mariña analizou os datos do mes de xaneiro publicados hoxe pola Consellaría de Emprego sobre a situación do paro en Galiza. Á vista destes datos na comarca da Mariña hai 257 persoas mais – un 4,5% mais que en decembro – por riba dos datos dos conxunto da provincia no que sobe un 4,19% e de Galiza onde o incremento do desemprego en relación ao mes anterior sobe un 3,19%.
A fronte nacionalista ademais fixo referencia ao cómputo anual onde hai unha leve baixada con respecto a xaneiro de 2013 pero segue sendo inferior á da provincia e do conxunto de Galiza. Mentres en Galiza hai unha baixada en relación a xaneiro do ano pasado do 3,34% e na provincia do 1,77%, na Mariña unicamente baixa o 0,71% polo que o BNG considera que o ritmo de destrución de emprego na nosa comarca é moi superior ao conxunto de Lugo e Galiza.
Os nacionalistas seguen chamando a atención sobre a expulsión de centos de mozos e mozas da nosa comarca que marchan na busca de emprego fora da nación galega e do estado, unha realidade catastrófica que se suma á de milleiros de persoas que estando en idades xa avanzadas quedan sen emprego e teñen difícil a súa reincorporación ao mercado laboral. Nesta liña salientaron as 5.500 persoas en situación de desemprego con mais de 25 anos de idade fronte ás 277 que non superan esta idade.
Os nacionalista volveron reclamar un Plan de Emprego para a comarca mariñá que compense a constante sangría que se produce na Mariña co peche e redución de empregos en empresas de referencia na comarca ou nas iniciativas de auto emprego que por desgraza seguen sen dar froitos estábeis. Ademais demanda outra vez planos de acompañamento social para as persoas en situación der desemprego como as 41 persoas que recentemente pasaron a esta situación en Cerámicas de Sargadelos ou outras que se deron con anterioridade. Nesta liña esixiron ao goberno da Xunta “solucións e non campañas mediáticas” para botar balóns fora xa que a principal responsabilidade na promoción e creación de emprego recae sobre a propia Xunta.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
