A Mariña, 25 de febreiro de 2014. O BNG da Mariña denuncia a situación dun veciño de Muras, en concreto da Parroquia da Balsa, que dende fai dúas semanas viuse obrigado a durmir nun caixeiro da capitalidade municipal. Os nacionalistas denuncian que esta persoa levaba arredor de dous ano nunha vivenda cedida polo concello nas vivendas sociais do municipio pero sen coñecer os motivos, dende fai días viuse obrigado a durmir nun caixeiro. Anuncian que pedirán explicacións ao alcalde nun pleno ordinario que se celebra esta semana, interesándose polo procedemento administrativo seguido polo goberno local tanto para a cesión da vivenda na que residía ate fai dúas semanas e os motivos polos que agora busca acubillo nun caixeiro da localidade.
O BNG pide solucións urxentes para un veciño de Muras que leva dúas semanas acubillado nun caixeiro da localidade, sen que o goberno local lle buscara solución ate o momento. A fronte nacionalista demandará do alcalde explicacións no pleno que se celebrará o próximo xoves no concello e preguntará pola tramitación administrativa do concello para cederlle nos últimos dous anos unha vivenda de propiedade municipal e os motivos polos que agora se ve obrigado a durmir nun caixeiro.
Dende o BNG non entenden como é posíbel que habendo unha vivenda de propiedade municipal para situacións de emerxencia como esta, o concello non fai os tramites necesarios para darlle uso, moito menos cando esta persoa xa fixo uso nos últimos dous desa vivenda.
Ao BNG cónstalle que o alcalde, Issam Algnam, conta cun informe dos servizos sociais municipais para dar solución ao problema pero descoñecen si se lle dou ou non tramitación. Urxen por tanto a unha solución inmediata a este problema e reclaman do alcalde que arbitre as medidas necesarias para evitar que esta persoa, orixinaria da Parroquia da Balsa, non pase un día mais nesta situación.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
