O Valadouro, 25 febreiro de 2014.- O Grupo Municipal do Partido Popular no Valadouro denunciou que o alcalde, o socialista Edmundo Maseda, puido ter recibido unha compensación económica por asistencia de xeito irregular.
Os populares teñen coñecemento de que ata en tres ocasións realizou viaxes para participar nunha mesa de contratación no concello de Ourol polas que percibiu 180 euros (60 euros por cada viaxe) con cargo aos fondos municipais.
Desde o Partido Popular lembran que a normativa vixente impide que os cargos políticos con dedicación exclusiva –que xa perciben un salario do Concello en función do seu traballo– poidan recibir ademais abonos complementarios por asistir a mesas de contratación ou participar noutros órganos colexiados.
Os populares citan, máis en concreto, o artigo 75 da Lei 7/1985 Reguladora das Bases de Réxime Local que establece que só os membros da Corporación que non teñan dedicación exclusiva nin dedicación parcial percibirán asistencias por estes conceptos, establecendo unha incompatibilidade para o resto dos supostos.
Por este motivo, os populares solicitan que o alcalde aclare por que percibe estas dietas de asistencia e esixirán a devolución da cantidade ingresada de xeito irregular, no seu caso.
CÚMULO DE IRREGULARIDADES
Dáse a circunstancia de que nunha das ocasións nas que o alcalde se desprazou a Orol foi no vehículo de Protección Civil –alegando un problema co seu particular- polo que os populares tamén reclaman que se verifique se nese caso, solicitou tamén dieta ou se puido requirir unha compensación de quilometraxe, que tería percibido tamén de xeito irregular.
Ademais os populares amosan a súa curiosidade porque sexa un político, o alcalde, e non un técnico municipal quen participe en representación do Concello do Valadouro nestas mesas de contratación, a diferenza do que acontece no resto dos concellos, onde se evita que sexan políticos os que participen nestes órganos administrativos.
EVITAR
Os populares ironizan –finalmente– sinalando se a “suposta austeridade” da que facían gala coa chegada do tripartito local escondía “pola porta de atrás” compensacións económicas con cargo ás dietas.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
