CERVO, 5 DE FEBREIRO. As últimas cifras do desemprego en A Mariña amosan que “Cervo é o Concello que máis eleva o número de parados entre os municipios de menos de 5.000 habitantes, o terceiro por detrás de concellos con 10.000 ou 15.000 habitantes”.
Os socialistas lembran que “súmanse só neste mes de xaneiro 34 parados máis, o que fai un total de 330 desempregados. O tempo vennos a dar a razón cando a finais do ano pasado alertábamos ó goberno de que o 2014 ía ser un ano difícil e pedíamos, xa dende o debate orzamentario, que gastase todos os seus esforzos en crear un plan de emprego con carácter excepcional, un plan que rexeitaron dende o primeiro momento e de maneira rotunda”.
Dende o PSOE cervense insistían en que “ademais de fomentar o emprego xuvenil sería moi necesaria a axuda a persoas máis adultas que xa teñen as súas vidas feitas en Cervo e quedan sen traballo con idades difíciles para a reinserción laboral. Os datos do paro en xaneiro veñen a corroborar esta idea, máis do 92% dos desempregados da comarca son maiores de 25 anos”.
Por todo, rexistraron esta mañá unha moción para que “o equipo de goberno lle esixa á Xunta de Galicia implicación total na creación dun Plan de Emprego que sexa realmente efectivo, eliminando o uso partidista dos criterios e que permita a inserción laboral de todas aquelas persoas que se atopen nunha situación económica difícil”.
Pretenden que se traslade esta petición á administración autonómica xa que “é a Xunta quen ten as competencias en materia de emprego, quen ten a capacidade directa para paliar e solventar este problema e quen tería que facer posible que este 2014 lle dese a volta ás cifras desoladoras do desemprego na nosa comarca e en concreto, no Concello de Cervo”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
