Últimos días de inscrición para a viaxe da Peña Barcelonista San Miguel

O vindeiro mércores 12 de febreiro remata o prazo para apuntarse á viaxe que a Peña Barcelonista San Miguel organiza a San Sebastián, para asistir ó partido de Liga entre a Real Sociedad e o FC Barcelona. A saída está prevista para o sábado 22 ás 06.00 horas, coa intención de estar en Donosti a mediodía. Ás 20.00 horas do sábado, os peñistas asistirán ó partido para animar ó seu equipo. Despois de pernoctar na cidade vasca, a volta será o domingo 23 ás 11.00 horas. Farase unha parada a metade de camiño para comer e a chegada está prevista para as 21.00 horas. O prezo para socios é de 150 euros e de 180, para non socios; xa que se poden desprazar tamén afeccionados en xeral. Os interesados en apuntarse, deberano facer antes do mércores no teléfono 625 82 10 44.