Foz, 25 de marzo de 2014. A programación cultural do Concello de Foz para o vindeiro mes de abril inclúe actividades de teatro, música, danza e os actos de Semana Santa que se celebrarán na basílica de San Martiño.
O concelleiro de Cultura, Ánxel Paleo, anunciou que a primeira actividade será o día 5 de abril, sábado, “cunha obra de teatro da compañía TrasPediante titulada Baleadas, que é un espectáculo de danza e animación para todos os públicos no que se utilizan as gafas 3D e os cativos tamén se implican nela. Terá unha duración aproximada dunha hora e será na sala Bahía ás seis e media da tarde con entrada gratuíta para todo o mundo”.
Ánxel Paleo tamén destacou que o 12 de abril, sábado, “comezarán os actos da Semana Santa en San Martiño co pregón ás 19:45 horas na basílica e faranse diferentes concertos, nos que participarán a Coral Polifónica de Foz, o Coro de Cámara de Viveiro, o grupo Ribadeo Brass, o Orfeón Lucense e o grupo de música Spiritual. Un dos días máis importantes desta Semana Santa de San Martiño é o venres santo, no que se representará ás doce do mediodía o Acto das Sete Palabras e pola tarde, a partir das cinco, escenificarase o Desencravo e farase a tradicional procesión polo barrio de Caritel. Quero recordar que todos os concertos serán na basílica e agradecer o esforzo e traballo que están a facer os membros da Confraría do Desencravo, que ano tras ano estanse a superar na organización dos distintos actos e fai que a Semana Santa de San Martiño sexa un dos referentes para todos os veciños do concello e da Mariña en xeral”.
O último acto incluído na programación cultural do Concello de Foz para abril será “o luns 21 ás seis e media da tarde na biblioteca pública, onde haberá un contacontos para nenos de 4 a 8 anos a cargo da compañía Trinke Trinke Teatro e titulado Aventuras na cociña”, explicou o edil de Cultura, quen rematou invitando a todos a asistir a esta programación e desexando que o pasen ben con estas actividades.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
O acto terá lugar ás 18:30 no paseo da Dársena, onde se instalará un hito que lembra a súa distinción como Fillo Predilecto de Navia. Tamén se descubrirá a placa dos gañadores absolutos da LXVII edición do Descenso, celebrada en 2025. “Moreno”, falecido en 2023, dedicou máis de seis décadas a impulsar esta cita deportiva, converténdoa nun referente nacional e internacional. A alcaldesa, Ana Isabel Fernández, destacou que foi “a alma máter do Descenso” e convidou á veciñanza e participantes a asistir ao acto de recoñecemento.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
As persoas que non puideron obter a súa entrada durante o período de reserva anticipada poderán recoller as entradas restantes o propio día da función, mércores 5 de agosto, a partir das 20:00 horas, na taquilla do Teatro Pastor Díaz. A entrega realizarase ata completar a capacidade do recinto, cun máximo de catro entradas por persoa. O Concello de Viveiro agradece a excelente acollida que está a ter esta representación e lamenta as molestias que esta situación poida ocasionar.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
