O Bloque Nacionalista Galego de Viveiro, realizou esta tarde unha rolda de prensa, logo de reunirse cos traballadores da empresa na tarde de onte. Na mesma participarón os concelleiros, Bernardo Fraga, Olaia Casas e Manuel Galdo e o representante dos nacionalistas no Consello de Administración da empresa Aparcamientos a Mariña, Ramón Vizoso.
Os nacionalistas de Viveiro, denunciaron a nula xestión da concelleira socialista á fronte da empresa “Aparcamientos a Mariña”, que provocou que os traballadores leven tres meses sen cobrar as súas nóminas, polo que piden a súa dimisión inmediata como responsábel da empresa. Así mesmo, denunciaron, que en ningún momento se informou aos traballadores da situación da empresa, se incumpriron as promesas que se lles realizaron.
Ademais, non se informou a ningún dos grupos municipais, e non se convocou ningún Consello de Administración para tratar a delicada situación da empresa dende mediados do 2013 ata o pasado xoves, e este último foi convocado a petición do BNG.
O BNG de Viveiro puxo enriba da mesa solucións para buscar a viabilidade da empresa. Entre as propostas, figuran o nomeamento dun traballador municipal capacitado para asumir a xerencia da empresa de forma inmediata. Ademais piden a elaboración dun plan de viabilidade económica que inclúa un estudio de mercado, e asuma as propostas presentadas polos traballadores.
Por último, o BNG, agarda que a Alcaldesa de Viveiro, cumpra co compromiso de convocar un Pleno Extraordinario para tratar a situación de Aparcamentos A Mariña, a vindeira semana, pleno solicitado polo BNG a pasada semana.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
O viveirense será adxunto a presidencia e asesor do suízo Phip Waeffler no comité técnico internacional de Pentatlón Moderno para os vindeiros catro anos e co visto e prace da UIPM, onde se desempeña como Oficial de Operacións de Eventos e programa de formación de adestradores dentro da Unión.
O conselleiro do Mar visitou este venres a Feira Náutico Pesqueira que se celebra ata o sábado.
Este xoves recibíuse unha comunicación da Casa Real, felicitando pola consecución da Copa da Raíña 2025.
'50 anos de cultura - 50 anos de historia' pode verse nas Escolas Vellas de Cervo.
Unha cita á que a institución provincial achega 10.000€ para a súa organización e que reuniu a centos de persoas na Praza do Concello trabadense para degustar este prato típico do municipio. Carlos López destacou a colaboración da institución provincial a esta “cita senlleira, que pon en valor unha cultura gastronómica capaz de atraer visitantes ao noso territorio”. Destacou o traballo que fai o Concello mariñán por enxalzar este produto, tamén chamado faragullos que se elabora con touciño, ovos, leite, fariña e auga.
O delegado territorial da Xunta en Lugo, Javier Arias felicitou o pasado sábado, 3 de maio, a Reyco polos seus 30 anos de traxectoria no sector do transporte por estrada. Un exemplo de empresa lucense que medra con rigor, compromiso e aposta pola calidade "Desde a Xunta de Galicia seguimos apoiando ao sector con medidas para modernizar frotas, dixitalizar procesos e mellorar a formación dos profesionais". "O transporte é clave para o futuro económico de Galicia e empresas coma esta son parte dese avance", apuntou.
