Ribadeo, 11 de setembro de 2025. Acisa Ribadeo comeza nova tempada cunha ampla oferta formativa para o sector comercial e hostaleiro con cursos de inglés, empaquetado e escaparatismo.
A presidenta de Acisa, Carmen Cruzado, subliña que “co obxectivo de mellorar os servizos que prestamos desde Acisa, pero tamén desde os negocios asociados, organizamos estes cursos de inglés, de empaquetado e de escaparatismo. Debemos estar á altura da veciñanza e tamén dos milleiros de turistas que recibimos ao longo do ano en Ribadeo. O visitante estranxeiro está cada vez máis presente e debemos entendermos con el da mellor maneira posible. Ter uns escaparates acordes co referente comercial que somos é moi importante ao igual que envolver uns agasallos de xeito orixinal e creativo”.
O xerente do colectivo empresarial ribadense indica que “a Asociación de Comerciantes, Industriais, Servizos e Autónomos de Ribadeo, reforza a súa aposta pola formación continua cun amplo programa destinado a mellorar a profesionalización e competitividade do comercio e da hostalaría locais”.
Cruzado Iglesias explica: “por unha banda, Acisa e a Escola Oficial de Idiomas (EOI) de Ribadeo colaboran un ano máis na posta en marcha dun curso de inglés específico para persoal de comercio e hostalaría, que se desenvolverá de setembro a maio. As sesións terán lugar os venres de 9:30 a 10:30 horas, cun enfoque práctico adaptado ás situacións cotiás destes sectores: atención ao cliente, información de prezos e tallas, explicación de menús e alérxenos, xestión de reservas, orientación a turistas ou operacións de cobro. O curso contará con prácticas orais, apoio en aula virtual e a participación dun auxiliar de conversa nativo. A matrícula está aberta ata o 19 de setembro. O custe é de 45 € máis 35 € de apertura de expediente para persoas que nunca estiveran matriculadas na EOI. Máis información na páxina web da EOI de Ribadeo, no correo eoi.ribadeo@edu.xunta.gal ou no seguinte número de teléfono 982 129 657”.
Pérez Prada relata que “baixo o lema Fórmate con Acisa, organizamos novos cursos gratuítos de empaquetado e escaparatismo, dirixidos a persoas empresarias e traballadoras dos negocios asociados. Terán lugar na Casa da Cultura de Ribadeo (rúa Viejo Pancho), en horario de 18:00 a 20:30 horas. O curso de empaquetado celebrarase os luns 22 de setembro e 6 de outubro. O curso de escaparatismo desenvolverase en tres sesións: os luns 15 e 29 de setembro e 13 de outubro. A inscrición é gratuíta e pode formalizarse ata o 12 de setembro, prazo ampliado, enviando un correo a info@acisaribadeo.es, indicando nome do establecemento asociado, datos persoais (nome e DNI) das persoas asistentes, correo electrónico e teléfono de contacto”.
O xerente de Acisa engade: “cursos prácticos como estes contribúen a ofrecer mellores servizos á clientela local e aos milleiros de visitantes que recibe Ribadeo cada ano, por iso queremos animar a empresarios e traballadores a apuntarse en ambas formacións”.
A presidenta asociación ribadense, Carmen Cruzado, considera que “pequenos detalles como un escaparate atractivo ou un bo empaquetado marcan a diferenza, do mesmo xeito que unha atención en inglés facilita a comunicación cos turistas. Con esta programación buscamos dar resposta ás necesidades reais dos nosos asociados e asociadas”.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
