Os socialistas afirman que “o equipo de goberno do PP de Burela está paralizado”

Estamos nos tres cuartos da lexislatura e os veciños de Burela seguen agardando por algunha iniciativa política que mellore os seos intereses sociais, económicos, estruturais ou culturais que puidesen partir do actual equipo de goberno do PP. Nestes tres anos transcorridos só se notou a suba de todos os impostos, prezos públicos e taxas e a total ausencia de realización de obras públicas que favorecese no desenvolvemento global do noso concello. Estamos agardado o cumprimento do prometido con respecto ó acceso o porto, ampliación do hospital ou escola infantil.

Este equipo de goberno tamén se caracteriza por nos defender aos veciños, amosándose submisos e defensores da posición do partido, en temas tan importantes como é a sanidade, deixando perder a Área Integrada e permitindo o desmantelamento do hospital. Esta aptitude de submisión extrema tamén se da en temas de políticas sociais, perda de autonomía local, suba do canon do lixo e da auga, suba do IBI, privatización de servizos públicos, repagos, etc…

Esta semana celebramos dous plenos: un extraordinario por temas do PXOM o pasado día 24, e outro ordinario o xoves 27.

O pleno sobre o PXOM, para aprobar varios requirimentos solicitados pola Xunta, non ten xustificación algunha para celebrarse como extraordinario o haber un ordinario tan próximo. Encima a Xunta non esixía urxencia. O alcalde con esta decisión demostra desprezo aos veciños xa que esíxelles unha aportación económica innecesaria.

No pleno ordinario non se tratou nin un só punto que fose positivo para o conxunto dos veciños. Só hai un que merece a pena ser nomeado e refírese o chamado Plan Orzamentario a medio prazo.
Con este plan o goberno estima o orzamento necesario para os próximos tres anos, 2015, 2016 e 2017 e nel indícase a previsión de gastos e de ingresos.

Segundo os datos, para os próximos tres anos a realización de obras vese imposible o manterse unha seca total no capítulo de investimentos reais. Tamén se mantén constante a cantidade asignada para gastos de persoal e creación de emprego que indica claramente a imposibilidade de aumentos salariais para os empregados do concello, a nula previsións de novas prazas ou a ausencia de plans de emprego para os próximos anos.

Para acadar os ingresos recorren o método de aumentar o IBI, prezos públicos, taxas e impostos, é dicir, seguir espremendo, e cada vez con maiores doses, aos veciños de Burela.

Houbo varias mocións presentadas polo PSdeG-PSOE. O noso grupo presentou unha para que non se aplicara a taxa do lixo que subiu un 34% derivado das políticas de reforma enerxética que pretende aplicar o goberno central. No debate desta moción quedou clara a postura do alcalde o defender os intereses de Sogama antes que os intereses dos veciños e non dubidaron en votar a favor da suba indiscriminada e inxusta que nos impoñen desde a Xunta polo tratamento do lixo.
É moi preocupante a falta de actividade política de este equipo de goberno, que traballa de oficio acomodado na postura de obedecer e non molestar os de arriba, deixando que pase o tempo sen que se vexan aptitudes para ofrecer proxectos ou accións que beneficien e impulsen o desenvolvemento global do concello e de todos os que nel habitamos.

O equipo de goberno está paralizado.