Martín Martín é a última montaxe da compañía mindoniense MIRCROMINA TÍTERES. O elenco, formado por Ton Arenas e Simón Piñón, está dirixido por Marceliño de Santiago, Kukas, un nome que forma parte xa da historia con maiúsculas da tradición dos monicreques no noso país. Martín Martín é un tenro e intenso espectáculo de títeres de luva e actor dirixido ao público infantil e familiar que conta como o neno Martín, inmerso no universo da televisión e os videoxogos, entra en contacto con outro xeito de sentir e de facer, o da súa avoa. Ela é quen lle amosa o valor da atención e do traballo coa propia creatividade cando lle regala un lápis “máxico”. A representación terá lugar este domingo 23 de marzo ás 17.30 h no Teatro de Ribadeo (rúa San Roque, 2) e a entrada terá un prezo de 2’5 euros.
Títeres no Teatro de Ribadeo
Relacionado
-
A Praza da Pulida de Cariño foi escenario este venres da representación da obra ‘Costa da Morte: Cartografía dun naufraxio’, dentro da xira de presentación desta coprodución do Centro Dramático Galego coa creadora Mariña Lestón
-
Remataron as Noites de Volei Praia en Cervo
-
En Academia A Mariña deu comezo a décimo segunda edición da Escola de Minitalentos
Tirando sempre de creatividade e imaxinación, tamén aproveitaron para saír a mercar froita ao Mercado que se celebra cada xoves na Praza dos Campos. Unha forma tamén de fomentar a alimentación saudable e a aprendizaxe activa.
O sábado a partir das 21h espectáculo de narración oral a cargo de Lîlâ Teatro coa obra "Estremonías da Silva" e á súa finalización, música tradicional con Os Carricantos. O domingo, toca sesión vermut da man de José Brea & Miguelón a partir das 13h, para disfrutar dun aperitivo antes do xantar. Como sempre, acompañado das tapas de Galiana e do mellor ambiente.
Trátase dunha homenaxe que as universidades públicas galegas en colaboración coa Consellería de Educación renden ao estudantado con mellores expedientes de Galicia nas probas de acceso á universidade, sendo necesario acadar nota igual ou superior a 8,5 na fase xeral da PAU. O acto celebrouse na Universidade de Vigo o pasado 20 de xuño, onde lles foron entregados os diplomas que os acreditan como alumnado sobresaínte. Dende o IES de Ribadeo, parabéns aos homenaxeados polos resultados acadados e tamén a tódolos compañeiros e compañeiras que superaron a PAU polo esforzo realizado.
De volta no obradoiro, estes verdadeiros artistas puxeron toda a súa creatividade para elaborar preciosos marcos personalizados. Cada marco é único, feito con moito agarimo e cun anaquiño da nosa costa.
