O XI Torneo de Basket “Lourenzá en Xogo 2014” contou coa participación de 20 equipos de diferentes partes do país que se mediron no pavillón municipal esta pasada fin de semana.
O Oribeltza Portugalete proclamouse campión do torneo na categoría sénior tras vences na final ó E.D. Lourenzá Ensino. Pechan a clasificación por equipos Corazonistas, Onil Alicante, Alameda Osuna e ED Lourenzá Mondoñedo.
Nesta mesma categoría proclamouse gañadora do torneo de triples Alejandra Amorós, do Onil Alicante. E, coa votación dos adestradores tras cada partido, o cinco ideal quedaría formado por: Laura Hernández (Alameda Osuna), Cristina Gabilondo (Corazonistas), Miriam Martínez (Oribeltza), Aitziber Arja (Oribeltza) tamén proclamada MVP “xogadora máis valiosa do torneo”, e Helena Sánchez (ED Lourenzá Ensino).
Júnior
Ensino Porta XI proclamouse vencedor do torneo laurentino na categoría júnior tras vencer na final a Viator. Por detrás quedaron Corazonistas e Oribeltza. Aínda así foi a vasca Ane Irati a que se proclamou gañadora do concurso de triples.
O cinco ideal da categoría quedaría constituído por Ana Pedrouzo (Ensino Porta XI), Amaia Diez (Oribeltza), Anne García (Corazonistas), Sonia Gutiérrez (Viator) e Laura Castro (Ensino Porta XI), tamén nomeada MVP.
Cadete
O conxunto cadete lugués tamén se fixo co trofeo por diante de Alameda Osuna de Madrid. E, nesta ocasión, as locais fixéronse coa terceira praza do podio por diante de Corazonistas de Vitoria, Alameda Osuna B e CB Riveira Basket.
Sarai Martínez (Corazonistas) fíxose co trofeo do torneo de triples; ademais de formar parte do cinco ideal, segundo os adestradores, xunto a Teresa Peiroten (Osuna Madrid), Gemma González-Redondo (ED Lourenzá Mondoñedo), Judith Ferreiros e Xiana González, ambas do Ensino Porta XI.
Infantil
O CB Burela destacou na categoría infantil, a única onde presentaba equipo, cunha primeira praza no torneo por diante do Ensino Porta XI. A terceira praza da categoría foi para Alameda Osuna (Madrid) e a cuarta para as ED Lourenzá Mondoñedo. Ó propio club burelao pertence Uxía Lorenzo, MVP do torneo, que forma parte do quinteto ideal que os adestradores elixiron segundo as votacións en cada partido. Completan o equipo ideal Cristina Novellán (Alameda Osuna), Antía Núñez (Ensino Porta XI), Ana Rubal (ED Lourenzá Ensino) e Candela López (Ensino Porta XI).
Entrega de premios
O grupo AIRES DO PADORNELO amenizaron o acto de clausura presidido por:
– Emma Álvarez Chao, alcaldesa de Lourenzá
– Orlando González Cruz, alcalde de Mondoñedo
– Vidal Martínez-Sierra López, deputado no Parlamento galego e anterior alcalde de Lourenzá
– Manuel Otero Méndez, xefe do servizo provincial de Deportes de Lugo.
– Pablo Maseda Fernández, concelleiro de deportes do Concello de Lourenzá e presidente das ED Lourenzá.
– Elena Freire Castro, concelleira de deportes do Concello de Mondoñedo.
– Mónica Carballeda Ferreiro, delegada en Lugo da Federación Galega de Baloncesto.
– Juan López Rodríguez, en representación de Construccións Augacons, SL.
– Rafael Cabaleiro Cajoto, en representación de Grupo Neli, SL.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
