Foz, 21 de abril de 2014. O alcalde de Foz, Javier Jorge Castiñeira, destacou a elevada presenza de visitantes que houbo no concello durante a pasada Semana Santa. O rexedor municipal resalta os servizos que se prestaron e o traballo dos organizadores das diferentes actividades celebradas.
“Quedaron moi boas sensacións, pois houbo unha ocupación como nunca nestas datas, o pobo estivo completamente cheo e os servizos cumpriron perfectamente. Estamos moi satisfeitos tanto do nivel de ocupación nos hoteis, na hostalería e no propio pobo como dos servizos que se deron. Estamos de noraboa e, como a Semana Santa normalmente é un preámbulo do verán, as sensacións que nos quedan son moi boas. O nivel de satisfacción é altísimo en xeral, tanto dos hostaleiros como do comercio e dos veciños de Foz e tamén de todos aqueles que nos visitaron e dos que teñen a súa segunda residencia aquí. Cremos que toda esta xente se vai moi contenta e a todos aqueles que nos coñeceron por primeira vez quédanlles ganas de repetir”, comentou Javier Castiñeira.
O alcalde focense engadiu que “acompañou o tempo na maior parte destes días, sobre todo nos primeiros, e iso axuda moitísimo a que luza o concello de Foz e toda A Mariña. Polo tanto a satisfacción é enorme e quédanos moi bo sabor de boca a todos para que o verán sexa o que necesitamos para que repunte esta comarca, que ten outras actividades que son positivas para o emprego pero dende logo o turismo é importante para que esta comarca poda seguir desenvolvéndose. Os balances en todos os concellos son moi positivos e polo tanto os alcaldes temos que dar a noraboa a todos os que participaron nos diferentes actos que fixeron que A Mariña puidera dar ese servizo e ese nivel de satisfacción que se levaron os turistas que estiveron aquí”.
Para rematar o rexedor municipal de Foz manifestou: “quero particularizar nas confrarías e naquelas persoas que fixeron posible a multitude de actos que houbo no noso concello. Empezando por San Martiño, que quizais fora a parroquia máis activa, hai que darlle a noraboa á Confraría do Desencravo e a todos os veciños de San Martiño que participaron nos actos desta excelente Semana Santa. E tamén a todos os veciños de outras parroquias e da vila de Foz que celebraron de forma excepcional as diferentes procesións e multitude de actos relixiosos e culturais que engrandecen tamén a Semana Santa do noso concello. A todos eles moitas grazas e os maiores parabéns polo resultado que tivo esta Semana Santa”.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
