O Presidente da Deputación de Lugo, José Ramón Gómez Besteiro; os Presidentes da Xunta de Persoal e do Comité de Empresa dos traballadores provinciais, e os representantes das organizacións sindicais UGT, CIG e CSIF, asinaron hoxe un novo acordo maioritario, adoptado sen ningún voto en contra dos sindicatos na Mesa Xeral de Negociación de 15 de abril, en virtude do cal o Goberno provincial abonará a paga extra ós traballadores, “incautada no 2012 por decisión unilateral do Goberno central, presidido por Rajoy”, a través do Real Decreto Lei 20/2012, de 13 de xullo.
Gómez Besteiro destacou que en virtude deste novo acordo, froito do consenso, e unha vez se coñeza a resolución do acto de conciliación previsto para o vindeiro día 28 de abril, contra o que a Deputación comprométese a non interpoñer recurso algún, o Goberno provincial abonará a paga extra a todo o persoal funcionario e laboral. Tendo en conta a xurisprudencia previa, esta resolución será tamén favorable, de xeito que “previos os informes legais preceptivos en calquera administración, o abono farase efectivo coa nómina do vindeiro mes de xullo”, tal e como destacou o Presidente.
Este compromiso supón un paso máis na senda iniciada no 2012, cando o Pleno de setembro de dito ano, e co voto en contra do PP, formalizou o compromiso de buscar alternativas e fórmulas coas que protexer os dereitos adquiridos polos traballadores, sen incorrer en ilegalidade ou fraude de lei. Para iso, en outubro do mesmo ano a Deputación remitiu un escrito á Consellería da Presidencia para que trasladara ó Consello Consultivo de Galicia a petición dun ditame que analizara a intención da Deputación de compensar algún xeito a paga extra ós seus empregados. Polo momento, a Consellería de Presidencia aínda non deu resposta a dita petición.
Promoción profesional horizontal
Outro dos puntos destados deste acordo é o establececemento dun sistema de promoción profesional horizontal para todo o persoal funcionario e laboral que presta servizos na Deputación de Lugo, incluíndo tamén ó persoal temporal, e que será complementaria á promoción vertical ou interna.
Este mecanismo de promoción permitirá mellorar as retribucións dos traballadores que teñan unha avaliación positiva do seu rendemento laboral ó longo dun período determinado e que acrediten unha formación continuada e relacionada coas súas funcións, “adaptando así a promoción profesional a criterios máis obxectivos e modernos, con traballadores máis eficaces e formados que dean un mellor servizo público”, subliñou Besteiro. Nesta mesma liña, o Presidente destacou que “neste contexto de dificultades, hai que agradecer ós traballadores públicos que teñan dado o mellor rendemento sen obter por iso unha vantaxe económica”.
Rematar coa libre designación
Pola súa banda, os representantes sindicais así como os Presidentes da Xunta de persoal e do Comité de Empresa, que agradeceron a boa disposición para o diálogo por parte do goberno da Deputación, destacaron o positivo dun acordo que porá en marcha outras medidas, “mostra da progresiva profesionalización da xestión na entidade en base a criterios obxectivos”, como a de poñer fin á libre designación para a provisión de postos como as xefaturas de servizo, implantando como forma xeral o concurso de méritos, malia que a lexislación outorga a Alcaldes e Presidentes dita competencia.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
