Santiago, 16 de abril de 2014.- O voceiro do Mar do Grupo Parlamentario Popular, Jose Manuel Balseiro, afirmou no Parlamento que ao BNG “non lle interesa que os mariñeiros embarcados poidan exercer o seu dereito a voto senón facer política a súa costa”. Así o asegurou despois de que os nacionalistas bloqueasen, coa súa intransixencia, a posibilidade de acadar un acordo parlamentario unánime na Comisión de Pesca celebrada esta mañá sobre a necesidade de impulsar unha reforma da lexislación electoral para facer posible este voto.
Desde o Grupo Popular ofreceron aos nacionalistas a posibilidade de chegar a un acordo de consenso sobre as bases do aprobado por todas as forzas políticas no ano 2007. Daquela, o Parlamento galego demandaba unha modificación da normativa electoral vixente que, ata o de agora, non se ten realizado ante as problemáticas xurdidas para atopar un sistema que garanta o segredo e a liberdade do dereito ao voto. Precisamente en relación con este asunto, os populares censuran a imprecisión dos nacionalistas que, na súa iniciativa, foron incapaces de definir o sistema que propoñen para blindar o voto e exercelo con todas as garantías.
OPORTUNISMO DO BNG
Os populares tamén puxeron de relevo a actitude oportunista do BNG que, curiosamente, “sempre presenta esta iniciativa en período electoral, pero que non fixo nada para cambiar a lei cando estivo no goberno”. De feito, Balseiro lembrou que os nacionalistas pretenden atribuírse o papel de voceiros cando están na oposición, pero perderon todo interese sobre o voto dos mariñeiros embarcados cando tiveron na súa man influír na reforma da lei electoral.
“Tanto durante o Goberno bipartito como durante as dúas lexislaturas socialistas en Madrid, onde o BNG era socio preferente, esta petición caeu da axenda dunha formación que tanto presume de defendelos. Dígame qué resultados concretos alcanzou nesta materia. Porque, que eu saiba, non tiveron nin xestións nin resultados. O BNG adoita a apadrinar problemas, pero escasas solucións”, concluíu Balseiro.
GRUPO POPULAR E XUNTA SEGUIRÁN INSISTINDO
Pola contra, Jose Manuel Balseiro aclarou que desde o Partido Popular e o Goberno galego seguirán defendendo a necesidade de que contar cun sistema que permita que ata o último dos nosos mariñeiros, por moi lonxe que estea, poida libre e autonomamente exercer o dereito ao voto, iso si, contando coas máximas garantías.
Os populares consideran que a normativa que rexe os procesos electorais presenta aspectos que son “manifestamente mellorables” e sinala a importancia de garantir que todos os mariñeiros embarcados
e os membros da mariña mercante poidan exercer o seu dereito ao voto en condicións idénticas ao resto dos cidadáns. “Nunha democracia non existe goberno nin partido político algún que se opoña a que os seus cidadáns voten sempre, estean onde estean. Pero terán que facelo, insisto, coas máximas garantías”, concluíu.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
