Lugo 26 de abril de 2014.- O presidente do PP de Lugo e voceiro do PP no Senado, José Manuel Barreiro, participou esta mañá nun acto da Escola de Formación Manuel Fraga que tivo lugar na sede dos populares lucenses.
Na súa intervención, Barreiro afirmou que Mariano Rajoy liderou en Europa a loita polo emprego xuvenil e manifestou que o vindeiro día 25 de maio os españois temos dúas opcións: apoiar a quen nos levou a quebra (PSOE) ou depositar a confianza en quen levou a cabo a diagnose axeitada para recuperar a España do borde do precipicio.
Ante a candidata ás eleccións europeas, Carmen Pardo, da que destacou a súa formación académica e política, e ante varios representantes de NNXX, alcaldes, e demáis autoridades políticas, o líder provincial instou aos asistentes a traballar de cara os vindeiros comicios.
Instou aos mozos, a saír a rúa para explicar cal é o papel que España quere xogar en Europa e viceversa e afirmou que “temos que rebelar o que fixemos ao longo destos anos: falar do esforzo colectivo e a acción do goberno”.
“Sodes a garantía do futuro e a única maneira de afianzar esto é apoiar ao PP; tedes que saír a rúa e explicalo”- manifestou Barreiro, quen insistíu en que estas eleccións dependen de nós e témolas que traballar xa que nos xogamos o futuro de estabilidade do país.
José Manuel Barreiro mostrouse convencido de que Mariano Rajoy pasará a historia como un líder en Europa debido a súa boa xestión en momentos terribles e de verdadeiro perigo en España e manifestou que foi pioneiro en loitar polo emprego xuvenil posto que foi a Europa preocupándose por esta temática.
“En emprego xuvenil, ninguén fixo tanto como Rajoy”- manifestou Barreiro, quen lembrou que foi o primero en aparecer en Europa para preocuparse por esto.
Concluíu o presidente provincial e voceiro do PP no Senado manifestando que non podemos dar un paso atrás e asegurou que o que aconteza o 25-M, pode condicionar o futuro.
“As opcións son moi contadas: 1) populismo: que non da fortaleza nin axuda a solventar os problemas; 2) apostar polos que queren dividir o país; 3) apoiar a quen nos levou a quebra ou 4) apoiar ao PP, partido que levou a cabo a diagnose axeitada e gracias a iso España non foi rescatada.
TILDA DE IMPRUDENTES AS DECLARACIÓNS DE BESTEIRO E BLANCO EN GUITIRIZ
Logo das declaracións do Señores Blanco e Besteiro en Guitiriz, o presidente do PP de Lugo e voceiro do PP no Senado tildou de imprudentes as afirmacións do ex ministro e máis o feito de pronuncialas neste Concello da Terra Chá.
Dixo José Manuel Barreiro que o que é medible non é opinable e proba diso vese na xestión de Miguel Ángel Arias Cañete; a persoa que máis fixo polo mundo rural e cuxa xestión se ve reflectida na Política Agraria Común.
Neste senso, o popular lembrou que Arias Cañete conseguíu manter as cifras dos fondos destinados ao rural e revertir as nefastas condicións que deixou o PSOE no seu legado como negociación en Europa.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
