Non poido continuar a ver como se está mezclando todo e terxiversando o que eu puxen en manifesto o 29 de marzo. Aínda que o meu corpo e a xente que me quere non cesa de recordarme que primeiro teño que curarme, necesito facer unha aclaración pública; pois tal vez me precipitei no que se refire á forma e iso deu lugar a malentendidos que indirectamente involucraron á xente importante na miña vida. Con este comunicado quero desvincular definitivamente as miñas palabras do desenvolvemento do Mercado e necesito que quede ben claro, pois é a única declaración que vou facer sobre este tema porque, despois de máis de dez horas de quirófano, tanto psicolóxica como físicamente aínda non me encontro con forzas.
Visto o sucedido non podo deixar pasar máis tempo sen aclarar o máis importante para min, é decir, expoñer publicamente que eu, a nivel persoal e como Concelleira de Cultura, sinto un gran AGRADECEMENTO E RESPETO polo esforzo de todos esas persoas que formaron parte da ORGANIZACIÓN do Mercado de Primavera, pois dedicaron durante meses moitas horas do seu tempo para facer realidade un día como o vivido, é dicir: ás alumnas e ó alumno do curso de monitor de tempo libre que se volcaran en que todo saira ben, sacrificando o seu disfrute persoal; ós representantes das distintas pandillas de rapazas e rapaces, ós que lles debemos o resurxir do 25 de Marzo, e que estiveron presentes en todo momento axudando e dando ideas; a Juan Novás que aportou a súa experiencia de edicións anteriores; e, sobre todo, a MARCO URÍA, alguén moi especial para mín porque a súa amizade é un pilar do meu día a día e que, na miña ausencia, cargou co peso dese día enriba das costas, demostrando, unha vez máis, a súa valía.
Por todos e cada un deles, doime que se estean mesturando as miñas declaracións coa súa laboura e co desenvolvemento do Mercado. Iso móveme a escribir esta nota para deixar ben claro que si ese día foi un ÉXITO é grazas fundamentalmente ó seu traballo e que sinto moito que as miñas circunstancias persoais non me permitisen axudalos ata o último momento.
O meu comunicado nada tiña que ver con eles, nin co Mercado de Primavera en sí e prodúceme moita tristeza e incluso malestar físico o que está a suceder. Pero está visto que “a río revolto ganancia de pescadores”… aínda que, como ben saben os afeccionados á pesca, clavarlle un anzó a unha troita eses días non ten mérito.
PD. Grazas tamén ós empregados do Concello de O Valadouro, ós comerciantes, ós artesáns, a toda a xente que se visteu de época, ós visitantes e a un largo etc que fixo posible que ese día fora o soñado dende a Concellería de Cultura.
FDO: María J. Fdez Díaz
Resultaron gañadores na Categoría SUB 15: Los Reversos. Categoría Sénior: Doloringues. Entregaron as medallas os edís Alfredo Fernández e Adrián Arias. As actividades seguen o martes, 8 de xullo, coas Noites de Fútbol Praia.
Prolongarase ata a primeira semana do mes de setembro “co obxectivo de axudar na conciliación familiar e laboral ao longo de todo o verán”, explica a súa directora, Raquel Hermida. A Escola de Minitalentos, dirixida a nenos e nenas con idades comprendidas entre os 3 e os 12 anos, abre de oito da mañá a tres da tarde: “os asistentes poden incorporarse ás actividades e talleres ao longo da mañá”.
Tirando sempre de creatividade e imaxinación, tamén aproveitaron para saír a mercar froita ao Mercado que se celebra cada xoves na Praza dos Campos. Unha forma tamén de fomentar a alimentación saudable e a aprendizaxe activa.
Debido á instalación dos postos, non será posible realizar o sistema habitual de «quita e pon», polo que se instalarán contedores fixos nos puntos indicados no plano elaborado para tal fin. Ademais, colocaranse contedores de reforzo nas seguintes localizacións: Praza Maior. Rúa Irmáns Vilar Ponte. Rúa Fernández Victorio. O Concello agradece a colaboración da veciñanza e do sector hostaleiro no uso responsable dos contedores, recollida de residuos xerados nos espazos cedidos, así como que estes espazos sexan mantidos en condicións axeitadas.
O sábado a partir das 21h espectáculo de narración oral a cargo de Lîlâ Teatro coa obra "Estremonías da Silva" e á súa finalización, música tradicional con Os Carricantos. O domingo, toca sesión vermut da man de José Brea & Miguelón a partir das 13h, para disfrutar dun aperitivo antes do xantar. Como sempre, acompañado das tapas de Galiana e do mellor ambiente.
Trátase dunha homenaxe que as universidades públicas galegas en colaboración coa Consellería de Educación renden ao estudantado con mellores expedientes de Galicia nas probas de acceso á universidade, sendo necesario acadar nota igual ou superior a 8,5 na fase xeral da PAU. O acto celebrouse na Universidade de Vigo o pasado 20 de xuño, onde lles foron entregados os diplomas que os acreditan como alumnado sobresaínte. Dende o IES de Ribadeo, parabéns aos homenaxeados polos resultados acadados e tamén a tódolos compañeiros e compañeiras que superaron a PAU polo esforzo realizado.
De volta no obradoiro, estes verdadeiros artistas puxeron toda a súa creatividade para elaborar preciosos marcos personalizados. Cada marco é único, feito con moito agarimo e cun anaquiño da nosa costa.
