Javier Castiñeira tamén se referiu “a estas declaracións do señor de Unifoz, que de forma paralela quere promover uns orzamentos de maneira totalmente desleal ao grupo de goberno cunha falta de respecto sen parangón. Quero dicirlles aos compañeiros do grupo municipal do PSOE que xa sabemos ao que se dedica o señor Cancio estes últimos días. É unha persoa que evidentemente está buscando ser o candidato do Partido Socialista, non cabe dúbida, e está tomando as rendas da oposición. Eu entendo que o grupo maioritario da oposición debe exercer como tal e dende logo todas estas pequenas cartas envelenadas que manda o señor Cancio teñen un claro obxectivo, que está nas eleccións do ano 2015. E evidente e todos sabemos que o señor Cancio está traizoando a Unifoz, traizoou ao Partido Socialista e agora quere volver a beber desa man. Polo tanto nós sabemos cales son as xogadas do señor Cancio, non nos sorprenden dende logo”.
O alcalde explicou ademais que “vamos seguir adiante e presentaremos uns orzamentos, pero ao non ter aprobado o recoñecemento extraxudicial pola oposición en días pasados vai retrasar un mes máis eses orzamentos porque hai que contemplar esas facturas dunha maneira ou doutra, segundo aprobe o pleno. Polo tanto se o señor Cancio quere traballar nos orzamentos que se poña e que empece aprobando o recoñecemento extraxudicial de crédito. E dende logo recoméndolle ao señor Cancio que para chegar a acordos é importante facelo no pleno antes de meter a máis asociacións e a máis persoas, porque moitas veces dá vergoña que non se chegue a acordos no pleno para despois tratar de politizar a certas asociacións. Proba disto, non cabe outra dúbida, foi o asunto da depuradora, no que á corporación non lle valeu nin unha zona nin a outra, politizouse a algunhas asociacións de veciños, usounas o señor Cancio para estas tensións. E, polo tanto, entendo que quere facer o mesmo agora cos orzamentos, pero o grupo de goberno non lle vai deixar. Entendo que é un brinde ao sol dunha persoa que non está a gusto na oposición, que ten problemas no seu propio partido e que está buscando o seu futuro persoal”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
