Ribadeo, 25 de abril de 2014. O alcalde, Fernando Suárez, fai unha valoración positiva das manifestacións realizadas nas últimas horas polo presidente galego, Alberto Núñez Feijoo, nas que este recoñecía ter recibido unha carta do rexedor sobre a praia das Catedrais e nas que prometía protección para o areal ribadense. Suárez Barcia agarda que se pase das palabras aos feitos para lograr conservar este patrimonio natural nas mellores condicións posibles.
O rexedor referíase esta mañá “ás declaracións que o presidente galego fixo onte ao saír do Consello semanal da Xunta sobre As Catedrais recoñecendo que recibira a carta que lle mandamos desde aquí e estando disposto a dialogar e a estudar as posibilidades de conservación deste areal. Non me queda máis que valoralo positivamente, pero agardando que se pase das palabras aos feitos”.
Fernando Suárez dixo que “de palabras estamos tamén un pouco cansos. Aquí o que fai falla é sentarse a dialogar. A min non me importa que sexa no salón de plenos do Concello de Ribadeo ou na mesa de San Caetano, onde diga o presidente da Xunta. O que está claro é que temos que sentarnos a dialogar todas as administracións implicadas nesta situación: o Ministerio de Medio Ambiente, a Xunta de Galicia, a Deputación Provincial de Lugo e o Concello de Ribadeo. E sobre os parámetros de diálogo e de coordinación para que logremos entre todos conservar esta riqueza, este patrimonio natural que temos a fortuna de ter aquí en Ribadeo, e esta riqueza económica para o turismo en Ribadeo e por extensión a toda a comarca da Mariña”.
O alcalde rematou sinalando que “agardaremos á chamada para sentarnos todos e para pasar das palabras aos feitos”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
