Cervo, 17 de abril de 2014- O Concurso fotográfico de Medio Ambiente “Cervo Respecta” chega este ano á súa cuarta edición. Un certame convocado co obxectivo de poñer en valor o noso contorno natural e concienciar á poboación da importancia de coidar e protexer o medio ambiente. Por iso, as fotografías que se poden presentar a este concurso deben ser imaxes dunha natureza viva e ben conservada, que sirva de mostra do estado ideal do noso medio.
O alcalde de Cervo, Alfonso Villares e a edil de Medio Ambiente, Begoña Alonso, presentaron este xoves o cartel e as bases do certame, que se manteñen invariables con respecto á edición anterior. Desta maneira, cada autor poderá presentar un máximo de tres fotografías, que terán que cumprir uns requisitos, como son ser orixinais e inéditas, así como tomadas en calquera lugar de Galicia. Poderán captarse tanto paraxes ou espazos naturais como unha escena concreta da natureza.
En canto ás esixencias técnicas, as fotografías deberán presentarse en formato dixital, nun CD e en alta calidade a unha resolución mínima de 2048 pixeis. As fotografías presentaranse ou enviaranse nun sobre pechado co título IV Concurso Fotográfico de Medio Ambiente “Cervo Respecta” no que se incluirá a ficha de autoría e o CD coas imaxes. En canto á ficha, poderase solicitar na Casa do Concello, na Casa da Cultura ou no correo electrónico medioambiente@concellodecervo.com
Participa
As persoas que desexen participar poderán facer chegar as súas fotografías a través de diferentes vías. Por unha banda, de forma presencial, entregando a documentación mencionada e as imaxes na Casa da Cultura ou na Casa do Concello. Ademais cabe a posibilidade de envialas por correo ordinario ou mensaxería ás seguintes direccións (terase en conta a data do selo expedido na oficina): Casa do Concello (Praza do Concello s/n 27891 Cervo) ou na Casa da Cultura (Avda. da Mariña, nº 60. 27890 San Ciprián).
Premios
Un concurso que ten previstos varios premios por categorías. Na de adultos (maiores de 18 anos), o primeiro premio será unha figura de cerámica de Sargadelos e un vale de 100 euros para gastar en establecementos do municipio, mentres o segundo levará tamén unha figura de Sargadelos e un vale por importe de 50 euros.
No caso da categoría xuvenil (menores de 18 anos), o primeiro premio inclúe un detalle e un vale de 100 euros en material deportivo mentres que o segundo é un detalle e un vale de 50 euros en material deportivo. En ambas categorías inclúese tamén un recoñecemento especial, o Top Cervo, no que se premiará a mellor fotografía medioambiental tomada en Cervo. Para iso, na instantánea terá que identificarse claramente que se trata dunha paraxe do municipio. Tanto no Top Cervo adultos como no xuvenil, o premio será un vale de 50 euros para gastar en establecementos do concello.
Calendario
O prazo para entregar ou enviar os traballos rematará o 15 de maio. O 2 de xuño daráse a coñecer o fallo do xurado, composto por persoas con coñecementos na materia. A entrega dos premios será o 5 de xuño, no Centro Cultural e de Servizos á Cidadanía de Cervo, anexo ao Concello, coincidindo coa celebración do Día Mundial do Medio Ambiente.
A edil Begoña Alonso lembrou que, ao remate do concurso, todas as fotografías participantes amósanse nunha exposición que se pode ver en Cervo primeiro e despois en San Ciprián co obxectivo de que “vecinos y visitantes puedan disfrutar de nuestra naturaleza y nuestro medio ambiente a través de las fotografías” e, ao mesmo tempo, “concienciar de la importancia de cuidar y proteger nuestra riqueza verde”.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
