O novo caso de violencia violencia machista ocorrido no lugar de Malates en Foz, o pasado mércores 24 volve estremecer a comarca da Mariña. Nos catro meses deste ano 2014, tres crimes de violencia machista sacudiron xa a nosa bisbarra, de forma que o asasinato de Foz súmase aos dous feminicidios ocorridos en Cervo no mes de xaneiro. A nivel provincial, catro mulleres foron asasinadas xa na provincia polo simple ‘delito’ de seren mulleres nunha sociedade machista, de forma que “no que vai de ano, o índice de asasinadas na provincia de Lugo é de unha muller por mes”, destaca Luísa González, presidenta da asociación feminista Observatorio da Mariña pola Igualdade. González destaca igualmente como “estas cifras lémbrannos o lonxe que estamos de acadar na nosa sociedade que os crimes de xénero sexan cousa do pasado; pero amais, non debemos esquecer que a violencia machista é desgraciadamente un fenómeno global, así que cando unha muller é asasinada polo feito de ser muller, todas somos atacadas”.
O Observatorio da Mariña pola Igualdade quere manifestar unha vez máis a súa condena máis enérxica polo asasinato desta veciña focega, resultado da opresión de xénero que aniña nas nosas sociedades e que considera ás mulleres cidadás inferiores. Neste sentido, o colectivo resalta a importancia da concienciación da cidadanía sobre a lacra da violencia de xénero, un problema social maiúsculo que nos concirne a todas e todos, que está preto de nós e que acontece en moitas das nosas vilas. Lonxe de ser unha afirmación sensacionalista, este triste fenómeno está constatado desgraciadamente pola realidade; unha realidade que hoxe nos volve sacudir manifestándose en forma de asasinato machista.
Desde a asociación feminista convócase a todas as mariñás e mariñáns a unha concentración o luns 28 de abril na Praza do Concello de Foz, que comezará ás 8 da tarde e concluirá coa lectura dun manifesto. Amais de enviarlle todo o seu apoio á familia e amizades da muller asasinada, o Observatorio fai un chamamento á sociedade da Mariña para que se posicione frontalmente en contra de todas as manifestacións da discriminación machista, das cales os feminicidios (ou asasinatos de mulleres) constitúen o exemplo máis extremo. Así mesmo, o colectivo reivindica que a loita contra os feminicidios que acontecen na nosa contorna sexa un asunto prioritario tanto no gobernos locais e autonómico, como no estatal.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
