Vista Alegre vivirá a súa estrea no Play Off polo título de Liga o sábado 10 de maio. A partir das 13.00 horas, Burela Pescados Rubén e ElPozo Murcia comezarán o seu duelo de cuartos de final que se dirimen nunha serie ao mellor de tres partidos.
Cuartos Play Off Título de Liga
Primeiro partido: Burela Pescados Rubén – ElPozo Murcia
Sábado 10 maio, 13.00 horas. Pavillón Vista Alegre. Directo Energy TV
Segundo partido: ElPozo Murcia – Burela Pescados Rubén
Venres 16 maio, 21.00 horas. Palacio dos Deportes
En caso de terceiro partido: El Pozo Murcia – Burela Pescados Rubén
Domingo 18 maio, 12.00 horas. Palacio dos Deportes
O primeiro envite contará coa presenza das cámaras de Energy TV que retransmitirán en directo un partido histórico para o Burela Pescados Rubén que afronta por primeira vez esta eliminatoria. Os pupilos de Juanlu Alonso están preparados para a ocasión e coa forza da afección esperan dar a sorpresa ante ElPozo Murcia que é o claro favorito neste duelo. Neste sentido expresouse o adestrador burelés “o rival é moi complicado pero a nosa ilusión é dar a sorpresa. traballamos moito para chegar a este momento especial e imos competir por pasar esta rolda. Non pensamos máis aló do partido en Vista Alegre, é a nosa final e imos ir a por todas ante ElPozo que está nun gran momento”.
Nesta festa de Fútbol Sala, a afección laranxa xogará un papel fundamental para converter Vista Alegre na “A bombonera” das grandes ocasións. Respecto diso, Juanlu amosouse convencido de que “a afección vai xogar tamén este partido. O seu apoio é moi importante
para o equipo e ante ElPozo Murcia é evidente que pasaremos momentos de apuro, a súa forza pode darnos ese plus necesario pasa superar as adversidades”.
Na mesma liña que o técnico burelés amosouse o capitán, Juanma, que afronta este momento “con enorme ilusión e responsabilidade”. O “Mariskal” viviu en primeira persoa o crecemento da entidade “imos gozar dun Play Off polo título de Liga de Primeira División, é unha cita histórica para o club. Non fai moito tempo estabamos xogando Play Off para o ascenso a Primeira División e debemos ser conscientes quen somos e de onde vimos. A ilusión debe ser a nosa forza e con ese argumento ao noso favor imos competir ante un grande do Fútbol Sala como é ElPozo Murcia. O sábado xogamos nosa final, ante a nosa gran afección e queremos brindarlles unha gran alegría”.
CONVOCATORIAS
Burela Pescados Rubén: Edu, Brais, Isi, Christian, Antoñito, Burrito, Matamoros, Álex, Mimi, Hugo, Carlitos, Iago Míguez, Juanma.
ElPozo Murcia: Fede, Fernan, José Ruiz, Juampi, Jesús, Bebe, Fabio, Kike, Adri, Raúl Campos, Eka, Gréllo, Franklin. Baixas: Álex, Miguelín, Rafa.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
