A Mariña, 5 de maio de 2014. O BNG mariñao aproveitou este cinco de maio para lembrarlle ao Partido Popular e concretamente ao parlamentario desta formación, José Manuel Balseiro, que fai xustamente un mes este Sr. comprometeu o inicio de obras no Hospital da Costa para a posta en marcha do hospital de día oncolóxico na Mariña no período dun mes que se acaba de cumprir. A formación nacionalista acusou a Balseiro de “conseguidor fracasado” e estendeu as súas críticas aos alcaldes e dirixentes do PP na comarca por formar parte da “procesión de caladiños e consentidores” mentres se vai perdendo calidade asistencial e se incumpren sistematicamente as súas propias promesas na sanidade pública mariñá.
A fronte nacionalista lembra que o pasado 5 de abril o BNG levou ao Parlamento Galego unha iniciativa na que reclamaba o cumprimento das promesas do Partido Popular a respecto da posta en marcha hospital de día oncolóxico no Hospital da Costa que contou cos votos en contra dos representantes do Partido Popular a pesar de ter anunciado dous días antes o inicio de obras necesarias no centro hospitalario mariñao no prazo dun mes.
Naquela ocasión expresabamos a nosa frustración por este feito acusando ao PP de “anunciar nos medios de comunicación o que despois tombaba no parlamento galego”, hoxe temos que engadir que este partido “non so minte na cámara galega tamén o fai aos medios de comunicación e por extensión ao conxunto da poboación” xa que nin existe movemento algún que permita ver o inicio de obras no Hospital, nin existen previsións de que se vaian facer a curto prazo.
A formación nacionalista acusou ao parlamentario José Manuel Balseiro como autor destas promesas de “conseguidor fracasado” e aos alcaldes e demais dirixentes do Partido Popular na Mariña de formar parte “dunha procesión de caladiños e consentidores ben mantidos” que non din nada mentres o proceso de degradación da sanidade pública mariñá avanza, e promesas como o servizo de oncoloxía para acalar as críticas pola perda de autonomía na xestión sanitaria mariñá, seguen sendo unha quimera so críbel para as mentes mais inocentes.
O BNG reclámalle aos dirixentes populares na comarca e especialmente ao parlamentario, José Manuel Balseiro, que aclaren a data de inicio destas obras e as previsión para a posta en funcionamento deste servizo que lembran xa fora anunciado polo xerente da estrutura de xestión integrada provincial, García Quintáns, para finais de 2013.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
