Fuente Parga visitou as obras que se están a realizar en vieiros municipais de Reinante e Benquerencia

Barreiros, 22 de maio de 2014.- O alcalde, Alfonso Fuente, visitou as obras que se están a realizar en varios vieiros municipais a través do PEIM da Xunta. Os traballos supoñen un custe de 50.000 euros.
O rexedor contou que “hoxe cursamos visita ás obras que se están a realizar no concello de Barreiros, que son neste caso arranxos de estradas e camiños municipais. Si fixeron obras no Camiño Real en San Miguel de Reinante, un vieiro que estaba en bastante mal estado, era estreito, se canalizou unha cuneta… se gañou ancho a ese camiño e penso que foi unha reparación importante e que dará servizo a esas casas, incluso pode servir coma paseo paralelo á N-634 e que é bastante menos perigoso que pasear á beira desa estrada nacional”.

Fuente Parga sinalou que “se fixeron outros arranxos en San Pedro de Benquerencia e tamén se acometerán obras na zona de San Xusto, alí aínda non comezaron, pero seguiremos a supervisar porque aínda que nos proxectos aparecen unha serie de camiños todos aqueles que están preto e que precisan un pequeno arranxo se están a facer”. O rexedor subliñou que “a rede viaria municipal é moi ampla e imos pouco a pouco manténdoa grazas, como neste caso, ao PEIM da Xunta”.

O investimento que se está a realizar ascende a 50.000 euros.