Burela, 21 de maio de 2014.- Dende o PSdeG-PSOE de Burela, e ante a nota feita pública pola Asociación de Amigos e Amigas da banda de Burela, queremos mostrar o noso máis firme apoio a dito colectivo e manifestar a nosa crítica máis enérxica na forma de actuar do equipo de “desgoberno” do Partido Popular de Burela.
Non podemos entender que se poida deixar morrer unha asociación da que forma parte un amplo número de veciños e veciñas de Burela, mentres se anuncian subvencións do orde de 18.000 euros (dos veciños e veciñas de Burela) para algunha asociación, e se permite que desaparezan outras que precisarían dunha cantidade moito menor para poder seguir sobrevivindo e deleitándonos coa súa música, neste caso. Evidentemente, dende o PSdeG-PSOE de Burela non estamos en contra das axudas que se poidan dar dende o Concello, pero si que entendemos que o moito ou pouco que se poida axudar dende o Concello debe de repartirse entre todas as asociacións que fan que a vida social do noso pobo sexa activa, e a Banda de Música é claramente unha delas. Do que estamos totalmente en contra dos métodos caciquís e sectarios cós que se reparten ditos fondos, sen ningún tipo de criterio obxectivo que non sexa o “dedo” do Sr Barcia e o seu séquito. Estas prácticas concordan máis có típico pequeno cacique que quere comprar os favores dos demais pero con cartos que nin sequera son seus, senón que son de TODOS os veciños e veciñas de Burela. Temos que recordarlle ó Partido Popular de Burela que está elixido para gobernar para todos os veciños e veciñas de Burela, non só para unha parte deles.
Para o noso xeito de ver estes feitos non veñen máis que a demostrar que a persecución política segue presente en Burela, como xa temos denunciado noutras ocasións, e o Partido Popular de Burela pretende aniquilar a aquelas asociacións que non rendan pleitisía a un equipo de “desgoberno” que ten perdido o norte dende o momento en que accederon ó Concello. É evidente que un alcalde que non reside no pobo non pode saber as necesidades reais do mesmo, menos vendo da xente que está rodeado.
Temos que recordar que a Banda de Música de Burela conta con máis de 25 anos de andaina, e que foi o propio Partido Popular o que no seu día inverteu unha grande cantidade de diñeiro para que a Banda de Música pasara a pertencer ó Concello de Burela, o que demostra o interese por parte do Sr Barcia en rentabilizar as inversións que se fixeron no seu día por parte dos veciños e veciñas de Burela para ter unha Banda de Música propia, unha Banda de Burela e dos burelaos que serviu como formación de novos músicos do noso Concello.
Dende o PSdeG-PSOE de Burela queremos facer un chamamento os dirixentes desta asociación para que sigan na súa loita, e que poñan todo o seu empeño para que este proxecto non morra, para o que terán o apoio incondicional deste grupo político. Deben de ter en conta que á volta dun ano a situación mudará e poderán contar có apoio preciso para que poidan seguir adiante con este proxecto, nós non deixaremos que a Banda de Música de Burela morra.
López agradeceu á Academia Galega do Audiovisual por escoller Lugo e destacou a importancia do evento para visibilizar o talento local e o apoio provincial ao sector. A gala contou cunha ampla representación lucense: Nuno Pico e Xaime Miranda polo videoclip Antes fun moi malo; Fran Fórneas e Sergio Marey por Ferido do Xoán; Sabela Ramil e Andrea Mesa por Non cho podo dar; o dúo Fillas de Cassandra; e o burelés Breixo Llano, do equipo de Cos pés na terra. Ademais, a película Sirāt, do naviego Oliver Laxe, foi unha das grandes favoritas con 14
A proposta combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos. As entradas, cun prezo de 5 euros, poderán adquirirse no despacho de billetes desde unha hora antes do inicio. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
A actividade conta coa colaboración do Concello.
O presidente, José Luis Sáez, agradeceu o apoio da empresa, clave para reforzar os equipos nesta segunda volta e garantir a continuidade da entidade, que segue loitando pola permanencia en Primeira División Iberdrola e Segunda División.
