O Enduro Team Galipizza&Cía participou este domingo no Enduro de Vilar de Mouros (Portugal), unha proba puntuable para a Liga Galega de moto de campo, con Manuel Grandío no Open 2T e Santi Chao en veteranos 4T.
Nun día moi duro (xa que as temperaturas sobrepasaron os 25º) e nun sitio que fixo mella nos dous pilotos, a pesar de ser perfecto para a práctica do enduro, ambos lograron cruzar o ecuador da carreira; pero ningún lograba acabala. Manuel por problemas mecánicos xa na última volta e Santi por un pinchazo ó acabar a segunda volta deixábao sen opcións para acabar a proba.
“Esto fai que voltemos de Portugal cun sabor agridoce, porque íamos con moita ilusión para esta carreira, inspirados na xente que dicía que era un sitio espectacular para facer enduro, e cunha organización perfecta, e aínda que non acadamos uns postos altos da clasificación, si que conseguimos estar a un gran nivel as primeiras voltas”.
Agora só queda recuperarse e prepararse para a próxima cita que terá lugar o vindeiro domingo en Sober.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
O viveirense será adxunto a presidencia e asesor do suízo Phip Waeffler no comité técnico internacional de Pentatlón Moderno para os vindeiros catro anos e co visto e prace da UIPM, onde se desempeña como Oficial de Operacións de Eventos e programa de formación de adestradores dentro da Unión.
O conselleiro do Mar visitou este venres a Feira Náutico Pesqueira que se celebra ata o sábado.
Este xoves recibíuse unha comunicación da Casa Real, felicitando pola consecución da Copa da Raíña 2025.
'50 anos de cultura - 50 anos de historia' pode verse nas Escolas Vellas de Cervo.
Unha cita á que a institución provincial achega 10.000€ para a súa organización e que reuniu a centos de persoas na Praza do Concello trabadense para degustar este prato típico do municipio. Carlos López destacou a colaboración da institución provincial a esta “cita senlleira, que pon en valor unha cultura gastronómica capaz de atraer visitantes ao noso territorio”. Destacou o traballo que fai o Concello mariñán por enxalzar este produto, tamén chamado faragullos que se elabora con touciño, ovos, leite, fariña e auga.
O delegado territorial da Xunta en Lugo, Javier Arias felicitou o pasado sábado, 3 de maio, a Reyco polos seus 30 anos de traxectoria no sector do transporte por estrada. Un exemplo de empresa lucense que medra con rigor, compromiso e aposta pola calidade "Desde a Xunta de Galicia seguimos apoiando ao sector con medidas para modernizar frotas, dixitalizar procesos e mellorar a formación dos profesionais". "O transporte é clave para o futuro económico de Galicia e empresas coma esta son parte dese avance", apuntou.
