Ribadeo, 13 de maio de 2014. Os VIII Foros Permanentes para as Mulleres, que organiza a Concellaría de Igualdade, dan comezo mañá cun obradoiro de risoterapia. A novidade desta edición é o grupo de axuda mutua e apoio psicolóxico, que se porá en marcha o 20 de maio co obxecto de axudar a superar determinadas situacións traumáticas a través de terapias de grupo. Os Foros inclúen os Domingos a pé cun roteiro polas Fragas da Becerreira o día 1 de xuño, e unha viaxe relaxante ao Spa de Vilalba o 15 de xuño.
A concelleira Mariluz Álvarez Lastra dixo que “levamos oito anos facendo unha serie de actividades nestas datas coma charlas ou talleres para as mulleres do noso concello. Iniciamos unha nova andaina este mércores, 14 de maio, cun obradoiro de risoterapia que terá lugar na sala Sonda Norte, na Casa da Xuventude. Será en horario de 18 ao 20 horas todos os mércores ata o 4 de xuño. Será impartido por unha psicóloga, que xa traballou con nós, que é Laura López”.
A novidade dos VIII Foros Permanentes para as Mulleres será a creación dun grupo de axuda mutua e apoio psicolóxico, “trátase dunha serie de charlas e de talleres destinados a aquelas mulleres que poidan estar vivindo algún tipo de situación traumática ou de crise, enfermidades crónicas, depresión, estrés, ansiedade, calquera problema que non sexamos capaces de superar e que precisemos compartilo con outras persoas e recibir atención psicolóxica dun profesional”. Este obradoiro estará dirixido pola psicóloga Juana Blanco, dará comezo o 20 de maio e será os martes, durante catro meses, de 18:30 a 20 horas na Casa da Cultura. O grupo reunirase e traballará dúas veces ao mes. A edil de Igualdade sinalou que “son unha serie de terapias, de encontros, de intercambio de impresións e de axuda mutua entre mulleres que estean vivindo situacións dificultosas. É algo totalmente confidencial tanto a asistencia como os temas abordados. O grupo ten que ser estable, estará formado por un mínimo de 8 mulleres e un máximo de 15”.
Os VIII Foros Permanentes para as Mulleres tamén inclúen actividades lúdicas, “como os Domingos a pé. Así o 1 de xuño realizaremos un roteiro ás Fragas de Becerreira en Trabada. Acompañaranos Teresa Díaz, da asociación Pena Tallada. Sáese ás 11 da mañá e vólvese ás 17 horas. Esta é unha actividade totalmente gratuíta. E remataremos o 15 de xuño cunha viaxe ao Spa de Vilalba, como xa fixemos o ano pasado. Haberá unha sesión de baño no clube termal, unha clase de ximnasia na auga e acceso ás saunas. Ésta é a única actividade que ten custe, e será de 15 euros”.
Para participar en todas estas actividades as interesadas deben anotarse no Centro de Información ás Mulleres, no teléfono 982 120 739, porque as prazas son limitadas.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
