O Porto Deportivo de Viveiro, destaca hoxe en día por varias cousas. Logo de que o BNG pedira o cumprimento da lei de símbolos. Converteron o edificio da Garda Civil do Mar (pagado por tod@s), e agora destinado a edificio de servizos da empresa privada xestora do porto, nalgo semellante á sede da ONU, non collen máis bandeiras na cuberta, está a tope.
A Portos de Galicia, non lle chegaba con semellante número de bandeiras, senón que pediron, a BANDEIRA AZUL.
Nos criterios de concesión da bandeira azul para portos deportivos, establecen con claridade unha condición para a súa concesión: “Todos os equipos e edificios deben estar en bo estado e ser conformes á lexislación. O Porto deportivo debe estar ben integrado, tanto no seu entorno natural coma construído”.
O BNG, vimos denunciando, e seguiremos ata que isto cambie, o peche de Viveiro ao mar, ao que nos ten sometidos Portos de Galiza e a Xunta gobernada polo Partido Popular. A imaxe do porto deportivo de Viveiro é mala, e non se integra no entorno, tal e como establecen os seus criterios: Presenta un balado exterior inútil, unhas casetas de obra de chapa, para acoller a Garda Civil do Mar, sinais desgastadas e abandonadas, unha caseta de venta de entradas para un barco turístico que xa non está no porto e un aparcamento perigoso para os usuarios na zona do espigón.
Os recoñecementos da calidade deben outorgarse, cunha garantía total e absoluta, de que os requisitos se cumpren. O Porto Deportivo de Viveiro, ten os mesmos servizos que tiña anteriormente, pero máis caros e inaccesibles para a cidadanía.
Esta semana membros de Portos e Concelleiros do PP encheron o peito coa concesión da bandeira, se cadra foi un acto de campaña electoral encuberto, posto que se botou en falta membros do goberno municipal, ou de outros grupos políticos.
O que as veciñas e veciños queremos, é poder enchelo todos, cando o noso Porto Deportivo realmente mereza unha distinción, mentres tanto teremos que conformarnos cun trapo azul inmerecido, e cun criterio de concesión cando menos dubidoso.
Por último, o asunto da bandeira azul, para as nosas praias, sempre foi un tema moi debatido. Nós somos partidarios de que Viveiro conte con tódolos distintivos de calidade turística, posto que melloran a nosa imaxe, e proxectan seguridade e calidade das nosas praias. O Goberno socialista, durante anos, negouse a solicitar os distintivos, e agora a Alcaldesa, en campaña electoral, anuncia a súa petición para as praias o ano 2015, ano tamén de eleccións. Casualidade ou interese electoralista? O de sempre…
Bernardo Fraga
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
