Lugo, 8 de xuño de 2014.- A delegada territorial da Xunta, Raquel Arias, subliñou que a Consellería de Cultura, Educación e Ordenación Universitaria está a investir arredor de 730.000 euros en proxectos de modernización e posta a punto das instalacións de 41 dos centros educativos da provincia.
Trátase de proxectos de substitución de cubertas, reformas de pavillóns, comedores ou aseos, ou de reparacións xerais e inspeccións de instalacións que se desenvolven en colexios e institutos das diferentes comarcas. Prevese que todos os traballos estean rematados para o inicio do vindeiro curso.
Raquel Arias subliñou que estas actuacións son unha proba máis da aposta da Xunta pola mellora dos centros educativos, co obxectivo de “ofrecer unha educación pública de calidade e moderna, tanto nos contidos e ferramentas de aprendizaxe como no que se refire ao estado das instalacións”.
Segundo destacou Arias, máis do 50% dos proxectos xa están executados e o resto teñen data prevista de finalización en setembro deste ano, de xeito que se acometan as obras durante as vacacións para non interferir co normal desenvolvemento do curso escolar.
Varias das obras rematadas foron incluídas de urxencia debido aos danos causados polos distintos temporais do pasado inverno, que afectaron especialmente ás cubertas e obrigaron tamén a reparar outros elementos.
Así ocorreu especialmente na Mariña, onde foi necesario actuar sobre diversos elementos no IES de Foz, no Vilar Ponte de Viveiro e no Perdouro de Burela, así como nos colexios Fondo Nois de Foz, Gregorio Sanz de Ribadeo, Santa María do Valadouro, Santa Rita de Galdo de Viveiro e no CEIP de Cervo.
Na zona centro executáronse reformas no peche do IES Anxel Fole de Lugo ou na escola de educación infantil e no CEIP Fray Luis de Granada de Sarria. O CEIP Antonio Insua de Vilalba, os CEIP de Antas de Ulla, As Nogais, Samos ou A Gándara, en Monforte de Lemos, son outros dos centros nos que xa remataron as reparacións e obras previstas.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
