O Valadouro, 6 de xuño de 2014.- O Presidente e portavoz do Partido Popular do Valadouro, Jose Manuel Lamela dixo este venres que a pesar de ter transcorrido máis do 60% da lexislatura e quedar apenas 12 meses para que se celebren novas eleccións municipais, PSOE e Udival non fixeron nada do comprometido no seu pacto de goberno.
Os populares acusan a socialistas e independentes de incumprir o 99% dos compromisos que eles mesmos adquiriron cos veciños do concello e atribúen este desinterese e falta de iniciativa na xestión dos asuntos municipais ás continuas friccións, desconfianzas e liortas internas que protagonzan ambos partidos.
NIN PLANTA DE BIOMASA, NIN CENTRO DE DÍA, NIN APOIOS EN MATERIA DE EMPREGO, SERVIZOS SANITARIOS E A ESCOLARES
Lamela explicou que, ata o momento, PSOE e Udival non foron quen de executar a planta de biomasa (á que puxeron prazos, dentro dos 12 primeiros meses inmediatos á toma de posesión do novo alcalde e cuxo proxecto tería que presentarse ante o Pleno do Concello), nin asinaron os convenios coas empresas locais para subvencionar os contratados de formación para menores de 35 anos.
Socialistas e independentes tampouco crearon o Centro de Día ao que se comprometeron, nin subvencionaron un servizo de transporte en autobus para acudir ao Hospital ou aos centros de ensino secundario de Burela, nin ofrecen un servizo sanitario de enfermaría durante o fin de semana, nin fixeron xestión algunha para impulsar o polígono industrial.
CHEQUE EN BRANCO DO BNG E NOVOS INCUMPRIMENTOS
O portavoz popular indicou que esta relación de incumprimentos debeulles parecer pequena ao Equipo de Goberno, que tampouco executaron os compromisos que tiñan asinados co BNG, formación política que apoia con seu voto a falta de xestión municipal e que ofreceu, en consecuencia, un cheque en branco sen requirir unha mínima xestión a cambio.
Así por exemplo non se teñen executado as subvencións “municipais” a mozos emprendedores artesás, nin creado espazos forestais cooperativos para unha xestión máis racional do monte, nin creado a figura do dinamizador social nas parroquias, nin fomentado xuntanzas para a unificación do Val, todo elo, propostas realizadas pola formación nacionalista.
ESCURANTISMO E FALTA DE TRANSPARENCIA
Ata o de agora o único punto que cumpriron é o relativo á creación da Escola de Agricultura Ecolóxica no Valadouro aínda que, nin tan sequera neste proxecto, deron garantías da validez e homologación da formación que adquirirán os futuros alumnos.
Lamela indica que, como PSOE e Udival basean as súas relacións no escurantismo e falta de transparencia, quizá teñen decidido mudar as bases programáticas que no seu día serviron de compromiso para facerse coa Alcaldía a pesar de ter perdido as eleccións municipais pero, neste caso, deberan dar longas explicacións polas razóns que lles levaron a non cumprir, nin executar, nada do que comprometeron.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
