O Atlético de Madrid Navalcarnero completou o triplete nesta tempada coa conquista da XX Copa de España de Fútbol Sala Feminino Burela 2014, tras derrotar na final ao AD Alcorcón por 0-2, con goles de Ju Delgado e Natalia. O conxunto roxiblanco pecha a súa excelente tempada; Supercopa, Liga e Copa, con dedicación especial a Félix Aranda, fundador e vicepresidente do club recentemente finado.
Dende a organización, noraboa ao campión polos seus éxitos así como aos demais equipos que competiron nesta Copa de España; AD Alcorcón, CD Burela FS Pescados Rubén e Universidade de Alacante. Felicitar á afección laranxa que animou sen cesar ao seu equipo malia caer nas semifinais e ás afeccións de Alcorcón, Atlético de Madrid e Alacante que tiveron un comportamento exemplar contribuíndo especialmente á festa do deporte.
Os catro equipos ofreceron un espectáculo deportivo no que se viron tres partidos de gran calidade, máxima intensidade, entrega, emoción e paixón que fixeron as delicias dos espectadores presentes en Vista Alegre e dos que puideron gozar do evento vía streaming a través da www.burelafs.org grazas ao gran traballo realizado por www.Pasionmc.com e coa excelente narración de Alba Adá de Futsal Cope e Óscar Arcones, xornalista de www.mundosala.es, apoiados na excelente cobertura técnica de Víctor Durán, técnico operador de www.Pasionmc.com.
A final arrincou cos nervios iniciais típicos destes partidos e cando ambos conxuntos comezaban a asentar o seu xogo, a fortuna aliouse co Atlético de Madrid. Anita Luján disparou e o seu golpeo tocou en Ju Delgado que desviou a traxectoria do balón para acabar na meta defendida por Miriam. A exhibición en semifinais e este gol afortunado da brasileira certificaron que esta era a súa Copa e que non estaba disposta a regresar sen ela a casa.
Case sen querelo, as colchoneiras abrían o marcador (0-1) pero fieis á súa filosofía, as guerreiras amarelas levantáronse do golpe e apertaron os dentes para complicar a vida durante moitas fases do encontro a un Atlético que soubo defenderse do acoso alfarero cunha Belén moi segura na portería desbaratando as ocasións de Andrea Feijoo e Orive. Mereceu o empate o conxunto dirixido Ángel Orejón pero ao descanso mantívose o marcador (0-1).
Na continuación, o Alcorcón foise descaradamente a polo empate cunha presión alta que as colchoneiras buscaron contrarrestar con posesións longas. O equipo de Andrés Sanz demostrou a templanza precisa nas finais e soubo esperar o seu momento para noquear ao seu rival. Cunha Anita Luján desequilibrante e Ju Delgado demostrando, unha vez máis, os seus galóns e manexando os tempos do encontro chegou o 0-2 a través do instinto asasino de Natalia que aproveitou unha asistencia da brasileira para sacar a súa artillería e cun gran disparo bater a Miriam, minuto 31.
O 0-2 danou as esperanzas do Alcorcón que mantivo o seu carácter competitivo pero as colchoneiras sacaron a relucir a súa experiencia e aínda que o Alcorcón o intentou con xogo de cinco mantívose o 0-2 ata o final que desatou o xúbilo colchoneiro, certificando o cambio na coroa nacional.
Palco de autoridades
Entre outras personalidades, estiveron presentes no palco; o Presidente do Comité Nacional de Fútbol Sala, D. Antonio Escribano; o Seleccionador Absoluto de España, D. José Venancio López; en representación do Comité Galego de Fútbol Sala da Federación Galega de Fútbol; D. José Luís Sáez Castro; a Concelleira de Benestar e Servizos Sociais do Concello de Burela, Dña. Diana Durán; o Presidente do CD Burela Pescados Rubén, D. Manuel Blanco; o Xefe do Servizo Provincial de Deportes da Xunta de Galicia en Lugo, D. Manuel Otero; o Secretario do CNFS, D. Javier Sáiz; o Responsable de seleccións femininas do CNFS, D. Patricio Allende e tamén en representación do CNFS; D. Juan Abellán.
Ficha técnica
AD Alcorcón: Miriam, Vadillos, Desi, Orive, Isa García -cinco inicial- Soldevilla, Leire, Lara, Andrea Feijoo, Houda.
Atlético de Madrid: Belén, Ju Delgado, Anita Luján, Rosana, Cristina -cinco incial- Rocío Sevilla, Natalia, Peke.
Goles: 0-1, m.4, Ju Delgado; 0-2, m.31, Natalia.
Árbitros: Cid Bragado, Remeseiro López. Colexio galego. Tarxetas no Atlético a Rocío Sevilla, Ju Delgado.
Incidencias: Final da XX Copa de España disputada no pabellón Vista Alegre de Burela. 600 espectadores. Nos instantes iniciais do encontro as xogadoras realizaron un rondo reivindicativo.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
