O pleno celebrado o pasado xoves 29 de maio viu a corroborar o que ven a suceder en tódolos plenos anteriores, a falta de iniciativa do goberno municipal e a falta de sensibilidade dos populares cos máis débiles e cos sectores que xeran emprego e que están a sufrir os efectos da crise.
Lonxe de presentar algunha iniciativa ou algún proxecto novo para o concello de Burela, o equipo de goberno limitouse a presentar un orde do día con simples trámites administrativos, sen aportar solucións para as burelás e os burelaos. De feito nun dos puntos do orde do día, chegou a obviar un informe técnico (conxunto de secretaría e intervención) negativo, para sacar adiante o punto no que se pretendía a cesión do contrato do Servizo de Axuda no Fogar (SAF), evidentemente co voto contrario dos edís do PSOE e do voceiro do BNG, Mario Pillado. “Semella compricado votar a favor dun punto que conta cun informe de secretaria e intervención contrario, posto que estes funcionarios do concello son os que entenden de este tipo de trámites, ademáis cando no seu informe explicaron claramente os seus motivos. No pleno anterior e nunha cuestión parecida, o informe técnico foi tido en conta e desestimouse unha cesión de contrato, resulta curioso que agora non ocorra o mesmo” sinalou o concelleiro nacionalista.
No referente ó apartado de mocións os populares empregaron a súa maioría absoluta para sacar dúas que presentaban adiante e tumbar mediante enmenda mocións presentadas por socialistas e nacionalistas. O PSOE presentaba unha moción contraria ó peche de camas no verán no hospital da costa, mentres que os populares sacaron adiante unha moción que esixía á deputación provincial de Lugo o aumento de subvencións ás confrarías de pescadores da Mariña e outra sobre a reforma do poder xudicial, que foi enmendada na súa totalidade tanto por socialistas como polo representante do nacionalismo no concello.
Pola súa parte, o edil nacionalista defendeu unha moción que instaba ó Estado a rebaixalo ive do 21 ó 8 % ó sector de salóns de peiteado, debido ó peche de establecementos e perdas de emprego que se están a producir na Galiza neste ámbito, que están a provocar numerosas movilizacións ó longo do País. En palabras de Mario Pillado “de todos é coñecido que na nosa vila operan un gran número de perruquerías e que se imparte no IES O Perdouro o ciclo superior deste ámbito, polo que a subida do ive podelle costar ás burelás e ós burelaos postos de traballo ou mesmo o peche de establecementos, posto que esta medida está a ser asumida co traballo destes pequenos empresarios, algo que tamén pode aumentar a economía sumerxida”. Tamén lamentou Pillado que os populares deran as costas de novo á sociedade e os que mais sinten a crise mostrando unha falta de sensibilidade e de consideración inaceptable cos seus veciños.
En resumo, o PP tira de maioría absoluta en Burela para facer a súa política, obviando as opinións dos técnicos do concello e sen levar a cabo iniciativa algunha de futuro para os veciños, ós que da á espalda como poidemos comprobar coa súa negativa a instar ó estado a rebaixar o ive a un dos sectores que crean emprego na nosa vila.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
