Foz, 5 de xuño de 2014. O Concello de Foz está arranxando estradas de varios núcleos das parroquias de Santa Cilla e Vilaronte. Tamén empezaron as obras para substituír os pasos de peóns elevados da vila focense que non cumprían a normativa.
O concelleiro de Medio Rural e Obras, Pedro Fernández Manín, anunciou hoxe que “en Santa Cilla estanse asfaltando viais nos barrios de As Boroas e Catarou, que estaban completamente estragados. Na parroquia de Vilaronte acabamos de arranxar no barrio de Mañente e agora continuaremos cos accesos á Rúa. Estas obras están incluídas nunha subvención de Agader, a través da Xunta de Galicia, que costea o cen por cen do investimento”.
Pedro Fernández engadiu que “debería tomar nota a Deputación Provincial de Lugo, organismo para o que Foz non existe, nin para o arranxo das estradas de propiedade provincial nin para a limpeza das vías públicas, porque concretamente a subida ao Santo dende Marzán, onde estes días estamos en festas, tivemos que limpala e axeitala dende o Concello de Foz. Non entendemos como algún grupo político de Foz critica que non hai previsión por parte da Xunta de Galicia e ignora completamente á Deputación. É posible que haxa algún interese para que non saia a relucir, por parte deste grupo e do seu portavoz, algo tan esencial como limpar e arranxar unhas estradas que usamos todos os veciños”.
O concelleiro de Obras tamén explicou que “estanse substituíndo os pasos de peóns elevados, que foron feitos no mandato municipal anterior cun custo bastante elevado e que ocasionaron reclamacións por parte dos veciños, protestas que xa transmitíramos dende o Partido Popular cando estábamos na oposición e a contestación do Partido Socialista, que era o que gobernaba e no que estaba o señor Cancio e algún membro do PSOE que está na corporación actual, foi que non había cartos para poder rebaixalos. Pero agora, despois de ter pagado 1.400.000 euros dende o ano 2011, cando entramos no goberno local, estamos a arranxar os pasos de peóns, polos que hai reclamacións dos veciños de Foz”.
Ademais Fernández Manín rematou comentando que “acabamos de pintar os pasos de peóns, aínda que faltan estes que estamos a facer novos e dous ou tres máis, e quero pedir desculpas por se esas obras causaron molestias a algunha persoa, aínda que, como coordinador deste traballos, creo que a empresa que os fixo puxo todos os medios para non obstaculizar a circulación”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
