Dende o PSdeG-PSOE de Burela queremos mostrar o noso respeto pola decisión tomada pola asociación cultural Buril de renunciar á axuda que lle concedía o Sr. Barcia por motivos máis que razoables. O Grupo Municipal do PSdeG-PSOE xa forzara a celebración dun Pleno Extraordinario do Concello de Burela para tratar a falla de criterio, o sectarismo e a discriminación que supoñía o reparto de cartos públicos ás asociacións en función do criterio único do noso “pequeno cacique”, o Sr. Barcia, e xa avisábamos que repartir os cartos públicos có único criterio do Sr. Alcalde ía a traer problemas xa que as discriminacións entre asociacións son máis que evidentes. Está claro que o colectivo Buril non vai a entrar nese xogo e neste caso ten o noso total apoio.
Máis aló disto o colectivo Buril denuncia que ten pagado máis de 100 euros no uso de locais municipais que os veciños e veciñas de Burela xa pagan cós seus impostos, pero resulta aínda máis curioso que segundo datos que se nos facilitaron dende o propio Concello a petición do Grupo Municipal Socialista, haxa asociacións e partidos políticos que se “esquezan” de cumprir as súas obrigas e non paguen a taxa correspondente polo uso de ditas instalacións, mentres outros gustosamente pagamos relixiosamente polo uso das mesmas. ¿Acaso hai algún dereito “de pernada” dalgunhas asociacións e partidos políticos para non pagar as taxas que outros pagamos? ¿Cal é o criterio que se segue dende o Concello para cobrar o uso de ditas instalacións? Supoñemos que alguén fará unha aclaración deste asunto.
Pero o que máis nos sorprende é a nova “arroutada” do Sr. Barcia contra unha das asociacións máis activas do noso Concello como é Buril, e sexa capaz de ameazalos publicamente para que renuncien ó local social que teñen na Praza de Abastos, coma moitas outras asociacións. Está claro que este Alcalde perdeu definitivamente o norte, e en lugar de sentarse a falar con aquela xente que lle pide que os reciba, como é a súa obriga, prefire enfrontarse cós colectivos do pobo igual que fixo coa Asociación de Amigos e Amigas da Banda de Burela. ¿Este realmente é un alcalde de todos os veciños e veciñas? Realmente lamentable.
As asociacións e veciños de Burela non se merecen un trato semellante do que debería ser o Alcalde de TODOS os veciños e veciñas de Burela, e instamos ó Sr. Barcia a cambiar a súa actitude polo ben de Burela e se empece a comportar como o cargo que ostenta se merece.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
