Cervo, 5 de xuño de 2014- O Concello presentou este mediodía a Universidade Aberta de Cervo. Xornadas de verán 2014 “A Universidade que nos agarda”, que terá lugar o día 27 de xuño ao longo do día. Unha iniciativa gratuíta, pensada para “abrir o mundo universitario a toda a poboación”, tal e como explica a edil de Educación, Pilar Armada, que deu a coñecer os detalles do programa xunto ao alcalde, Alfonso Villares, a edil de Cultura, Begoña Alonso, e a coordinadora das xornadas por parte da Universidade da Coruña, María Cristina Pérez Crego.
A Universidade Aberta de Cervo pretende ser un espazo de encontro entre profesores, investigadores, doutores e catedráticos da Universidade da Coruña, que colaboran co Concello nestas xornadas, e a poboación en xeral, aínda que poñendo especial atención nos mozos e mozas en idade de cursar titulacións de grao.
Por iso, estas xornadas están estruturadas en ponencias breves, de 45 minutos cada unha, nas que o profesorado abordará o mundo universitario dende distintos puntos de vista, achegando toda a información que poida ser de utilidade para os asistentes. A inscrición está aberta ata o 24 de xuño e pode facerse no teléfono 635 00 17 17, no correo educacion@concellodecervo.com ou na Casa do Concello.
“Moitos estudantes comezan a súa vida universitaria desorientados, perdidos, sen saber moi ben que van atopar. Con estas xornadas o que queremos é darlles facilidades, e que reciban toda a información directamente da Universidade”, asegura Armada. Polo tanto, para a edil “esta é unha moi boa oportunidade para achegarse ao ensino universitario”.
De todos os xeitos, a edil matiza que non se trata de que prevalezan os estudos universitarios por riba doutras opcións, senón de que o alumnado e a poboación en xeral estea informada.
“A Universidade que nos agarda”
En canto aos temas das charlas, os expertos achegarán información sobre o mundo universitario, dende o cambio de vida que vivirá o alumno, o novo panorama educativo co Espazo Europeo de Educación Superior, as diferenzas a nivel educativo e de aprendizaxe que o alumno atopará na Universidade, todo o que o sistema universitario pode facilitarlle ao alumnado ou os dereitos e deberes dos estudantes.
A edil de Cultura quixo destacar o nivel das xornadas, nas que os relatores son “profesores expertos en los temas de los que tratarán, la mayor parte doctores, catedráticos e investigadores de reconocido prestigio en el mundo universitario y con una dilatada trayectoria docente”.
Alonso anunciou ademais que o Concello está traballando cos institutos da Mariña para procurar a súa colaboración e implicación na divulgación destas xornadas e, ao mesmo tempo, buscando que motiven ao alumnado e a toda a comunidade escolar na súa participación.
Pola súa banda a coordinadora das xornadas por parte da UDC, María Cristina Pérez Crego, destacou que a Universidade Aberta de Cervo será “un espazo de interacción, onde todos os asistentes compartirán coñecementos. En definitiva, trátase de conseguir unhas xornadas informativas, útiles, pero tamén entretidas”.
PROGRAMA
10:30 Inauguración das xornadas
11:00-11:45 Historia de Vida dun alumno universitario. O acceso á Universidade
Mª Cristina Pérez Crego
Licenciada en Psicopedagoxía
Contratada Predoutoral da UDC na Facultade de Ciencias da Educación da UDC
11:45-12:30 Que significa para un estudante universitario o Espazo Europeo de Educación Superior?
Dr. Jesús Miguel Muñoz Cantero
Profesor Titular da área de Métodos de Investigación e Diagnóstico en Educación da UDC
Director do Departamento de Filosofía e Métodos de Investigación en Educación da UDC
12:30-13:00 Descanso para o café
13:00-13:45 Novas Metodoloxías Docentes no Espazo Europeo de Educación Superior
Dra. Eva María Espiñeira Bellón
Profesora da área de Métodos de Investigación e Diagnóstico en Educación da UDC
Vicedecana de Calidade da Facultade de Ciencias da Educación da UDC
13:45-14:30 Técnicas de estudo dende a Perspectiva do Discente
Nuria Rebollo Quintela
Licenciada en Psicopedagoxía
Contratada Predoutoral do Plan I2C da Xunta de Galicia na Facultade de Ciencias da Educación da UDC
14:30-16:30 Descanso para xantar
16:30-17:15 Que pode esperar e demandar o alumnado á Universidade?
Dr. Juan Ferreiro Galguera
Catedrático de Dereito da UDC
17:15-18:00 O Dereito, o Deber do Estudante
Dr. Manuel Fondevila Marón
Doutor en Ciencias Políticas
Investigador na área de Dereito Constitucional da UDC
18:00 Clausura das xornadas e entrega de certificados
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
