Lugo, 24 de xuño de 2014.- O Grupo Provincial do Partido Popular na Deputación de Lugo ratificou este martes en pleno o compromiso do PP cos profesionais do mar para que obteñan “uns mellores prezos e contribuír á sostenibilidade das flotas e dos recursos pesqueiros”.
O compromiso do Partido Popular manifestouse no voto a favor de que o Goberno galego tome medidas ante a remisión do borrador do Real Decreto que regula a primeira venda para impedir que esta se poida realizar nos Mercas. Neste senso, mentres os populares lembraron o apoio do seu grupo no Parlamento galego a unha proposta semellante; criticaron que na Cámara autonómica os socialistas se abstiveran.
Primeira venda nos Mercas
En relación ao borrador de Real Decreto polo que se regula a primeira venda dos produtos pesqueiros; os populares manifestaron que se “trata dun documento de traballo sometido ao debate e á consideración do sector, que pode e debe ser mellorado e enriquecido”
Aos populares, matizaron, “non nos parece unha medida acertada o feito de introducir un novo actor na primeira venda, fóra das lonxas e fóra das zonas portuarias”. “Esta é a liña do Goberno galego, precisamente porque as alegacións feitas polo sector e, concretamente polas principais entidades pesqueiras da Mariña de Lugo, veñen nesta liña”
A maiores, os populares manifestaron que o seu grupo coincide na necesidade de “actualización da normativa da primeira venda dos produtos pesqueiros, adecuando as súas condicións ás distintas normativas comunitarias”. Deste xeito, “estamos ante un reto obxectivo moi claro: que os profesionais da pesca obteñan uns mellores prezos e contribuír a sostenibilidade das flotas e dos recursos pesqueiros”.
Suba do IVE aos produtos pesqueiros
Os populares reiteraron durante a súa intervención a súa posición en contra á suba do IVE nos produtos pesqueiros que repercutiría negativamente no sector.
Dende o GPP explican que non comparten a proposta do informe de expertos, coñecido como Informe Lagares, e que, polo tanto, non se trata dunha proposta realizada polo Goberno central, que xa manifestou que non subiría este imposto.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
