Os socialistas reclaman á Xunta que encauce a campaña de saneamento gandeiro ante o elevo número de “reaccionates” sacrificados en comparación con anos anteriores

Santiago de Compostela, 13 de xuño de 14. O portavoz de Agricultura do Grupo Socialista, Pablo García, reclamoulle ao Goberno galego que, deixando claro os bos datos de sanidade que a cabaña gandeira atesora ó longo dos últimos anos, “é obvio que nesta campaña se están sacrificando máis animais reaccionantes en proporción o número de animais saneados que en anos anteriores”.

A directora xeral de Produción Agropecuaria da Xunta, Patricia Ulloa, confirmou esta tese, xa que dixo que se levaban no que vai de campaña 829 sacrificios, mentres que en campañas anteriores os datos de sacrificios en toda a campaña foron pouco máis de 1.000 en total.

Para o PSdeG, a diferenza de criterio sobre todo nun primeiro momento e en determinadas zonas concretas, onde non se facía un análise epidemiolóxico da explotación en concreto, senón que se sacrificaba simplemente en base os datos técnicos concretos dos análises, puido ser a causa. A propia directora xeral recoñeceu que se realizaran reunións a nivel provincial cos responsables de área de sanidade animal, de cara a que estes problemas se fosen solucionando.

“O que non cabe dúbida e que puido existir algún tipo de desaxuste nas directrices marcadas que fixeron que en algúns concellos estes sacrificios, que son tales como reaccionantes pero que non se confirmaban despois, fosen con moita diferenza moito máis numerosos do normal”, afirmou García.

Houbo comarcas moi afectadas, como en Lugo, na Mariña, na Ulloa, e tamén na Costa da Morte na Provincia de A Coruña, que fixeron saltar a alarma e que, tal como manifestou Pablo García, esperando que isto se corrixa e que en todo caso se faga todo o posible para non sacrificar nin un só animal que non sexa necesario: “Temos que facer todo o posible para que só se sacrifiquen aqueles animais que estén claros, porque primeiro arruinamos ó gandeiro, e segundo a reposición dese animal non é mellor do que temos”.

Do mesmo xeito, tamén reclamou que de inmediato se poñan en marcha as indemnizacións para as reses sacrificadas, que estas suban a súa cuantía dado o prezo de mercado, e tamén que se compense a aquelas explotacións que queden inmobilizadas.