Ribadeo, 27 de xuño de 2014.- Ribadeo rexistra xa unha ocupación hoteleira importante. Cada día, desde o pasado 15 de xuño, pasan de media pola oficina de turismo da vila 100 persoas. A concelleira de Desenvolvemento Local e Turismo, Ana Martínez, destacou o incremento que están a sufrir as pernoctacións neste 2014. A media sitúase en catro noites de estancia, fronte ás dúas ou unha soa noite de anos anteriores. O Concello reforzará desde o vindeiro 1 de xullo o persoal dos puntos de información turística das Catedrais e da vila.
A edil nacionalista contou que “as previsións que temos para este verán en canto ao número de visitantes que se poidan achegar ata Ribadeo son bastante altas. Si ademais atendemos xa ao número de persoas que a diario acoden a pedir información á oficina de turismo da vila, que desde o pasado 15 de xuño rexistra máis de 100 consultas diarias, a isto podémoslle sumar os picos das fins de semana, entendemos que realmente segundo vaia avanzando o verán o número de visitantes será bastante alto e superior ao do ano pasado, que xa en si mesmo bateu récord”.
Martínez subliñou que “se está a producir un incremento de pernoctacións por persoa. Si o ano pasado estabamos nunha media de 1 ou dúas noites, este ano estamos arredor das catro noites. Isto para o sector hostaleiro é moi importante, e é tamén indicativo de que xa non só se achegan á praia das Catedrais e se marchan, senón que realmente se están empezando a interesar por coñecer o concello e a nosa contorna”.
Para a concelleira de Desenvolvemento Local e Turismo todo este incremento de turistas que ano tras ano rexistra Ribadeo “é froito da apertura da autovía A-8, que nos pon preto de destinos tan importantes coma Valladolid, Burgos, Bilbao, Vigo… xunto a outros que están máis preto, pero que agora aínda o están máis como Oviedo, Santander ou A Coruña. Para nós este dato é moi importante, entendemos que Ribadeo este verán pode ser un boom. Que Ribadeo está de moda é cada día máis certo e o podemos comprobar pola rúa”.
Ana Martínez explicou que “desde o Concello, como cada ano, procuramos atender o mellor posible ao visitante para se vaia cunha cara amable da nosa vila, do noso comercio, da nosa hostalería. Desde o 1 de xullo imos reforzar os puntos de información turística, tanto nas Catedrais coma en Ribadeo”. O punto das Catedrais terá un horario de luns a domingo de 11 da mañá a 14:30 horas e de 16 a 19:30 horas. Este ano traballarán alí 6 persoas. O Concello tamén reforza durante o verán a oficina de turismo de Ribadeo, que contará con outra persoa máis a xornada completa, que se une á que xa traballa habitualmente nesa instalación.
Bus praia
A concelleira de Turismo dixo que “dentro doutras iniciativas que reforzan esta demanda turística está unha moi importante que é o bus praia, que xa leva varios anos en funcionamento e que é todo un éxito. Cremos que é a mellor maneira de visitar a praia das Catedrais, porque así evitas esa problemática que estamos vendo nos últimos tempos coas aglomeracións de coches preto do areal. Neste 2014 o bus praia terá unha saída diaria máis que durante os anos pasados”. O bus praia sairá de Ribadeo cara as praias ás 11, ás 13, ás 16 e ás 19 horas. Partirá desde a oficina de turismo pasando por Virxe do Camiño e estación de autobuses para parar despois en Os Castros-Illas, Esteiro e As Catedrais. Os horarios de volta das praias cara Ribadeo será ás 12:30, ás 14:30 horas, ás 17:30 horas e ás 20:30 horas. O prezo do billete mantense ao igual que os anos anteriores. Os adultos pagarán polo viaxe de ida e volta 4 euros. Haberá bonos de 10 viaxes por importe de 20 euros. E o billete (ida e volta) dos nenos e das nenas menores de 12 anos será 2 euros. Ademais contarán cun bono de 10 viaxes por 10 euros.
Ana Martínez engadiu que “con estas iniciativas o que queremos é dar esa imaxe agradable e amable na que a xente que se achegue a Ribadeo poida disfrutar da nosa vila, do noso concello no seu conxunto, que ten uns valores medio ambientes e naturais excepcionais, pero tamén ten uns valores humanos por parte do comercio, da hostalería e de todos cantos habitantes ten Ribadeo, que procuramos que os nosos visitantes se vaian co mellor de nós”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
