Organizado pola Área de Cultura da Deputación de Lugo, e con motivo do 25 de xullo, Día da Patria Galega, este xoves 24 de xullo tivo lugar no adro do Museo Provincial de Lugo unha lectura pública do Sempre en Galiza de Castelao, coincidindo co 70 aniversario da súa publicación na cidade de Bos Aires en 1944. Neste acto, no que participaron representantes do tecido asociativo lucense e persoas a título individual e que contou co acompañamento musical da Banda Municipal Xuvenil de Rábade e Begonte, o responsable da área de Cultura da Deputación de Lugo, o nacionalista Mario Outeiro, defendeu que “o 25 de Xullo é un día para sentírmonos orgullosos como pobo e para reivindicar os nosos dereitos como nación que somos”.
O acto comezou ás 12 do mediodía coa interpretación e polo atril ubicado na entrada ao Museo de Lugo foron pasando, entre outros, o músico Antón Castro, escritores como Isidro Novo ou Xoán Ramiro Cuba, artistas como Mónica Alonso, xornalistas como Fiz Jorquera, deportistas como a triatleta Alba Cuba e representantes de distintos colectivos e asociacións como Elvira Lombao da Federación de Pais e Nais dos centros de ensino de Lugo, Marisol Fernández do Clube Cultural Valle Inclán, Antón Somoza da Asociación Cultura do País, Lourdes Otero da Asociación de Mulleres Rurais de San Bartolomeu de Ínsua, Felipe Rivas da Plataforma de afectados polas Preferentes, Pepe Méndez da Asociación de Gaiteiros Galegos, Adela Figueroa da Asociación Ecoloxista Adega, e cidadáns que a título individual que quixeron ler fragmentos da obra de Castelao.
Mario Outeiro agradeceu a presenza de todos os participantes, “persoas que se sinten orgullosas de ser galegos e galegas, da nosa historia, da nosa lingua, da nosa cultura, fronte aos que traizoan a dignidade nacional de Galiza cada día desde institucións como a Xunta de Galiza, que desprezan o propio e impoñen o alleo, condenan ás galegas e galegos á miseria e á emigración”, denunciou.
O acto institucional da Deputación con motivo do Día da Patria pechouse coa interpretación do Himno Galego a cargo da Banda Municipal Xuvenil de Rábade e Begonte, acompañada da soprano Esperanza Iglesias, que tocaron tamén outras pezas como Negra Sombra ou Lela, con letra tamén de Castelao.
Obxectivo: consolidar a celebración
O responsable da área de Cultura da Deputación avanzou que a celebración en Lugo da “festa maior de Galiza”, como a definiu o 25 de Xullo o propio Castelao, se consolide. “Temos a sana aspiración de que a data do 24 de xuño quede dalgún xeito institucionalizada en vindeiros anos como a celebración do Día da Patria Galega en Lugo nas vésperas dunha data que todos os galegos e galegas debemos celebrar en Compostela”, dixo Mario Outeiro.
Os actos organizados pola Deputación lucense para celebrar esta semana o Día da Patria Galega incluíron ademais a proxección o martes da película Encallados e unha conferencia sobre O dereito a decidir e o Galeuzca a cargo do historiador e profesor xubilado da Universidade de Deusto Xosé Estévez, que tivo lugar onte no Refrectorio do Museo Provincial de Lugo.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
