A Asociación de veciños do Burgo de Trasbar entregou os trofeos do III Campionato de parchís o sábado 12 de xullo no transcurso dunha cea no local social á que estaban invitadas todas as persoas que xogaron o campionato. Nesta terceira edición participaron dez parellas. Logo dunha parada polas obras levadas a cabo polo Concello de Cervo no local, retomouse o campionato a finais de maio, de aí o atraso no seu remate. Ao igual que nas edicións pasadas, a parella con menor puntuación recibiu un burriño (cargado de chocolates). Este ano o equipo merecedor da distinción foi o formado por Josefa Casariego e Modesta Díaz. A entrega de premios foi do seguinte xeito: o terceiro premio para Adela Fernández e Mari Carmen Alonso; o segundo premio levárono María Díaz e Miguel Díaz; o primeiro premio foi, por terceiro ano consecutivo, para a parella formada por Geni Piñeiro e Julio Lamelas.
Entrega dos premios do III campionato de Parchís en Trasbar
Relacionado
-
Guido Guía inicia un novo proxecto audiovisual no que, tras mes e medio de gravacións —que aínda continúan— emprende unha viaxe pola provincia de Lugo a través das rutas do programa Coñece a túa provincia da Deputación
-
O delegado territorial da Xunta en Lugo, Alfonso Villares, mantivo este martes senllas reunións coa Asociación de Veciños ‘O Vencello’ e coa Asociación da Semana Santa de Burela para coñecer as súas necesidades e estudar novas vías de colaboración
-
O Concello de Cervo organiza unha andaina popular con motivo do Día Mundial contra o Cancro de Mama
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
